Omëletë Don Zhuan

Koha e përgatitjes: 40 minuta            
Kompleksiteti: lehtë

Për 4 persona

PËRGATITJA:

• 8 vezë
• 1 kokë qepë
• 1 domate
• 500 ml shtalp
• majdanoz
• 1 spec jeshil
• 150 gr kaçkavall
• 50 gr gjalpë
• 1 limon
• vaj
• kripë dhe piper i zi

 E grijmë qepën dhe e skuqim në tiganin me vaj. Specin e presim në rrathë, të cilat i shtojmë në tigan. Domaten e presim në copë të cilat i shtojmë në tigan. E grijmë majdanozin dhe e shtojmë në tavë. hedhim kripë dhe piper të zi.
 I thyejmë 6 vezët i rrahim me tel kuzhine dhe hedhim mbi to kripë. Gjysmën e vezëve të rrahura e skuqim në një tigan, ndërsa gjysmën në tiganin tjetër.
 Sipër omëletave të skuqura vëmë nga perimet e skuqura dhe i mbështjellim në formë roleje. Roletë me omëleta i vëmë në tavë, në të cilën kemi hedhur vaj.

 Dy vezët e mbetura i thyejmë dhe i ndajmë të bardhat nga të verdhat. Të verdhat i hedhim në enë të thellë ndërsa të bardhat në një enë anash. Në enën me të verdhat e shtojmë shtalpën dhe përziejmë me tel kuzhine. E shtrydhim limonin dhe lëngun e limonit e hedhim në enën me shtalpë dhe me të verdhat e vezëve. Hedhim kripë dhe piper të zi. Përziejmë me tel. Këtë masë e hedhim sipër omëletave në tavë. E grijmë kaçkavallin dhe e hedhim sipër omëletave. Tavën e vëmë në furrë. Pjekim 10 minuta në temperaturë prej 200 gradë.
 Në dy skajet e pjatës për servirje vëmë gjethe sallate jeshile. Pastaj në pjatë i vëmë omëletat Don Zhuan. Pjatën e zbukurojmë me feta domateje dhe me një degë majdanozi france dhe me nga dy topa shtalpë në dy skajet e pjatës.
 Me këtë pjatë rekomandohet vera e thatë e bardhë cilësore e llojit Traminer me ngjyrë të artë të vërdheme dhe erë të theksuar muskati nga përzierja e luleve, erëzave dhe fruteve. Serviret në temperature prej 10 deri në 12 gradë.

Ju bëftë mirë!!!

Musakë me kërpudha

Koha e përgatitjes: 60 minuta                    
Kompleksiteti: lehtë

Për 4 persona

PËRGATITJA:

• 400 gr shampinjona të freskëta
• 400 gr mushkeri dhe zemra pule
• 400 gr oriz
• 2 kokë qepë
• majdanoz
• vaj
• kripë hde piper i zi

 E grijmë qepën dhe majdanozin. Shampinjonat i presim në fije të holla. Qepën e grirë e skuqim në vajin e nxehtë në tigan. Pasi zbutet qepa në tigan e shtojmë orizin e zier dhe majdanozin e grirë.
 Në enën rezistuese ndaj zjarrit hedhim vaj dhe në të e vëmë gjysmën e orizit. Sipër orizit i rendisim shampinjonat e prera. Sipër tyre i vëmë mushkëritë dhe zemrat e pulës. I shtojmë kërpudhat e mbetura. Hedhim kripë dhe piper të zi. Në fund në enë e shtojmë orizin e mbetur. Sipër orizit hedhim vaj. enën e vëmë në furrë. Pjekim 30 minuta në temperaturë prej 200 gradë.
 Nga musaka me kërpudha vëmë në pjatën për servirje. Rreth musakës bëjmë kurorë me sallatë jeshile të prerë. Me kube domatesh zbukurojmë sallatën jeshile.
 Me këtë pjatë rekomandohet vera e thatë e bardhë cilësore e llojit të rrushit Muscat Frontignan, me nuanca të gjelbra e të verdha. Është e pasur me aromat e luleve të muskatit, trëndafilit dhe mandarinave. Ka një shije mirë të balancuar dhe diskrete e cila qëndron për një kohë të gjatë. Serviret në temperaturë prej 10 deri në 12 gradë.

Ju bëftë mirë!!!

Role me obllanda dhe me jafa keks

Koha e përgatitjes: 30 minuta        
Kompleksiteti: mesatare


PËRGATITJA:

• 24 copë jafa keks
• 18 lugë arra të grira
• 1 obllandë
• 1 portokall
• 1/2 pako margarinë
• 16 lugë sheqer
• 5 lugë bollgur (griz)
• 350 ml ujë
• 4 pako sheqer vanilje

 Obllandën e mbështjellim me leckë të lagur për tu zbutur. Në tenxhere në zjarr e hedhim ujin, sheqerin dhe margarinën dhe i ziejmë derisa të shkrihet sheqeri dhe margarina. E shtojmë bollgurin (grizën) në tenxhere, përziejmë me tel kuzhine dhe e kthejmë tenxheren në zjarr. Përziejmë pandërprerë me tel dhe pasi kremi e fiton dendësinë e duhur e heqim tenxheren nga zjarri. Duke përzier vazhdimisht me tel, në tenxhere  ehedhim sheqer vaniljen dhe arrat e grira. E lëmë kremin të ftohet.
 E shpalojmë obllandën nga lecka dhe e lyejmë me gjysmën e kremit. E shtrydhim portokallin dhe çdo jafa keks e kalojmë në lëngun e portokallit dhe i vëmë sipër kremit. Sipër vëmë kremin e mbetur. Me ndihmë të leckës e paltojmë në formë roleje. E lëmë rolenë të ftohet.
 Rolenë e presim në copë të pjerrëta me trashësi prej 1 cm. Copët e rolesë i rendisim shkallë-shkallë në pjatë për servirje.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe me shije të ëmbël. Serviret në temperaturë prej 10 deri në 12 gradë.

Ju bëftë mirë!

Kërpudha pane me susam

Koha e përgatitjes: 15 minuta                    
Kompleksiteti: mesatare

Për 4 persona

PËRGATITJA:

• 500 gr shampinjona të freskëta
• 100 ml majonezë
• 100 gr miell
• 2 vezë
• 50 gr susam
• 2 kastraveca turshi
• 100 ml qumësht
• vaj
• kripë dhe piper i zi

 Në enë të madhe e të thellë i thyejmë vezët, shtojmë kripë dhe i rrahim me tel kuzhine. Duke përzier me tel në enën me vezët e rrahura e shtojmë qumështin. E shtojmë edhe miellin. I kalojmë kërpudhat në këtë masë, pastaj në susam dhe i skuqim në vaj. Kërpudhat e skuqura i nxjerrim nga tava dhe i vëmë në pjatë të mbuluar me letër, për t'ua mpirë yndyrën. Fillojmë me përgatitjen e salcës tartar. Në anën e rrallë të rendes, në enë të thellë i grijmë kastravecat turshi. E shtojmë majonezën dhe përziejmë me lugë.
 Pjatën për servirje e zbukurojmë me gjethe sallate jeshile. Në mes të pjatës i servirim shapinjonat pane. Anash e servirim salcën tartar.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe me shije të ëmbël. Serviret në temperaturë prej 10 deri në 12 gradë.

Ju bëftë mirë!

Buding me anans

>

Tortë tigër

Koha e përgatitjes: 60 minuta  
Kompleksiteti: mesatare

PËRGATITJA:
Për pandispanjë

• 5 vezë
• 5 lugë sheqer
• 5 lugë miell
• 1 pako aditiv për brumë

Për krem

• 2 vezë
• 10 lugë sheqer
• 250 gr gjalpë
• 250 gr arra të grira
• 100 gr çokollatë për gatim
• 1/2 l qumësht

Për zbukurim

• 2 pako krem pana
• 200 ml qumësht

 Fillojmë me përgatitjen e pandispanjës. Në enën për përzierje theyjmë 5 vezë dhe hedhim 5 lugë sheqer dhe i rrahim me mikser. Pasi shkrihet sheqeri e fikim mikserin. Aditivin për brumë e shtojmë në enën me miell, përziejmë dhe miellin e shtojmë në enën për përzierje. Përziejmë me lugë derisa të fitojmë një masë homogjene.
 Tavën e mbulojmë me letër. Në tavë e derdhim brumin për pandispanjë dhe e rrafshojmë sipërfaqen. Tavën e vëmë në furrë. Pjekim 15 minuta në temperaturë prej 200 gradë.
 Ndërkohë, e përgatisim kremin. Qumështin e  hedhim në tenxhere në zjarr. Në enën për përzierje thyejmë 2 vezë dhe hedhim 7 lugë sheqer dhe i rrahim me sheqer. Pasi shkrihet sheqeri, e fikim mikserin. Duke përzier pandërprerë me tel kuzhine, në tenxhere me qumështin e valuar i shtojmë vezët e rrahura. Pasi kremi e fiton dendësinë e duhur tenxheren e heqim nga zjarri. Çokollatën e thyejmë në copë dhe e shtojmë në kremin e nxehtë. Në tenxhere i shtojmë arrat e grira.
 Në enën për përzierje e shtojmë gjalpin dhe 3 lugë sheqer dhe i rrahim me mikser, derisa gjalpi të fillojë të shkumëzohet. Pastaj në enën për përzierje e shtojmë kremin e ftohur nga tenxherja. I rrahim me mikser derisa të bashkohet kremi.
 Ndërkohë pandispanjën e pjekur e nxjerrim nga tava dhe e copëtojmë në copë të vogla. Copët e pandispanjës i vëmë në enë të thellë. Në enë e shtojmë ehde kremin nga ena për përzierje dhe përziejmë me lugë. Masën nga ena e madhe e vëmë sipër tabakasë për torte dhe me thikë e bëjmë formën e tortës. Në enën për përzierje e hedhim qumështin dhe pluhurin për krem pana. I  rrahim derisa kremi pana të fitojë dendësinë e duhur. Kremin pana e vëmë në shiringën e kuzhinës. Me të së pari e zbukurojmë pjesën anësore dhe pjesën e sipërme të tortës. Sipër kremit pana, në mes të tortës zbukurojmë me vishnje. Sipër kremit hedhim arra të grira.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe me shije të ëmbël. Serviret në temperaturë prej 10 deri në 12 gradë.
Ju bëftë mirë!

Krap i mbushur

Kategoria: Pjata të dyta                      

Koha e përgatitjes: 90 minuta
Kompleksiteti: mesatare
Për 4 persona

PËRGATITJA:

• 1 krap
• 2 karota
• 2 kokë qepë
• 5 thelpinj hudhër
• 1 limon
• majdanoz
• rigon
• erëza të përziera
• 2 dl verë e bardhë
• vaj
• kripë dhe piper i zi

 Në tigan hedhim qepë të grirë, karota të grira, shtojmë vaj dhe kripë dhe përziejmë. Krapin e pastruar dhe të larë e presim në disa vende nga të dy anët. Mbi krapin hedhim kripë, nga jashtë, në pjesët e prera dhe në brendi. Në një enë i përziejmë erëzat e përziera, rigonin lëkurën e limonit të grirë në rende, hudhrën e grirë dhe vajin. Me këtë përzierje e lyejmë peshkun në të gjitha anët dhe në brendi. Në tavën për pjekje hedhim vaj dhe e vëmë krapin. Në tiganin në zjarr e shtojmë majdanozin e grirë, hudhrat e grira të mbetura dhe erëza të përziera. Me përmbajtjen nga tiganin e mbushim brendinë e krapit. Në pjesën e mbetur në tigan shtojmë verë të bardhë, vaj dhe lëngun e një limoni. I përziejmë dhe i hedhim mbi krapin. Tavën e vëmë në furrë dhe pjekim një orë, në temperaturë prej 220 gradë.
 Tavën me krapin e pjekur e nxjerrim nga furra. Në pjatën për servirje të peshkut, vëmë patate të ziera. Në pjatë e vëmë krapin e mbushur. Mbi krapin vëmë nga përmbajtja në tavë. Limonin e presim në gjysmërrathë, të cilat i vëmë pjesët e prera të krapit. Zbukurojmë me degë majdanozi.
 Me këtë pjatë rekomandohet vera e thatë e bardhë cilësore e llojit të rrushit Muscat Frontignan, me nuanca të gjelbra e të verdha. Është e pasur me aromat e luleve të muskatit, trëndafilit dhe mandarinave. Ka një shije mirë të balancuar dhe diskrete e cila qëndron për një kohë të gjatë. Serviret në temperaturë prej 10 deri në 12 gradë.
Ju bëftë mirë!!!

Torte moka

Koha e përgatitjes: 60 minuta          
Kompleksiteti: mesatare

PËRGATITJA:

• 2 të verdha të vezës
• 1 filxhan kafe
• 12 lugë arra të grira
• 120 gr sheqer
• 6 vezë
• 1/2 l shtalp
• 30 ml rum
• 100 gr margarinë
• 12 lugë bukë e grirë
• 125 gr margarinë
• 120 gr sheqer pluhur
• 120 gr arra 

  Së pari i thyejmë 6 vezët dhe i ndajmë të verdhat nga të bardhat e vezës. të verdhat i hedhim në enën për përzierje, ndërsa të bardhat në një enë të madhe e të thellë. Në enën për përzierje shtojmë 100 gr margarinë dhe 120 gr sheqer. Përziejmë me mikser derisa të shkrihet sheqeri.
 Me mikser i rrahim edhe të bardhat e vezës dhe e shtojmë sheqer vaniljen. Rumin e hedhim në bukën e grirë, të cilën e shtojmë në enën për përzierje. Përsëri përziejmë me mikser derisa të fitojmë një masë homogjene. Në enë i shtojmë të bardhat e vezës të rrahura dhe përziejmë me lugë. Shtojmë edhe 12 lugë arra të grira dhe përsëri përziejmë me lugë, derisa masa të bëhet homogjene. Në fund, në brumin e bërë shtojmë dy lugë kafe të zier.
 Kallëpin për pjekje e lyejmë me margarinë dhe në të e shprazim brumin e përgatitur për pandispanjë. pjekim 15 minuta, në temperaturë prej 200 gradë.
 Ndërkohë i thyejmë dy vezët e mbetura dhe i ndajmë të bardhat nga të verdhat. Të verdhat i hedhim në enën për përzierje ndërsa të bardhat në një enë anash. Në enën për përzierje shtojmë 125 gr margarinë dhe 120 gr sheqer pluhur dhe përziejmë me mikser. Përziejmë derisa margarina të bëhet e shkumosur. Shtojmë 3 lugë kafe të zier dhe 125 gr arra të bluara. Përsëri përziejmë me mikser derisa masa të bashkohet. Në enën për përzierje e hedhim shtalpin dhe me të e bëjmë kremin pana.
 Pandispanjën e pjekur e presim në dy pjesë. Copën e parë e vëmë në pjatën për torta dhe mbi të hedhim nga kremi i përgatitur. Këtë krem e mbulojmë me kremin pana. Mbi kremin pana e vëmë copën e dytë të pandispanjës. Kremin pana të mbetur e vëmë në shiringën e kuzhinës, me të cilën i zbukurojmë pjesën anësore dhe pjesën e sipërme të tortës.
 Në mes të tortës vëmë vishnje kompoti.

Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe me shije të ëmbël. Serviret në temperaturë prej 10 deri në 12 gradë.

Ju bëftë mirë!

Kasato trekëndësh

Koha e përgatitjes: 20 minuta              
Kompleksiteti: lehtë

PËRGATITJA:

• 200 gr sheqerka zhele
• 200 gr rrush i thatë
• 250 gr thelpinj arrash
• 250 gr sheqer pluhur
• 300 gr biskota
• 2 vezë
• 250 gr gjalpë

 Në enën për përzierje e hedhim sheqerin pluhur dhe gjalpin dhe përziejmë me mikser. Duke përzier pandërprerë i shtojmë vezët. Në enë i shtojmë edhe arrat e grira, sheqerkat zhele të prera në copë dhe rrushin e thatë. Përziejmë që të fitojmë një masë homogjene. I copëtojmë edhe biskotat dhe i shtojmë në enë. Përziejmë përsëri. Përmbajtjen e vëmë në një kallëp drejtkëndësh në të cilin paraprakisht kemi vendosur fletë plastmasi. Kasato ëmbëlsirën e mbështjellim me plastmasin. E lëmë të ftohet. E hapim plastmasin dhe kasato ëmbëlsirën e presim në forma trekëndëshi.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe me shije të ëmbël. Serviret në temperaturë prej 10 deri në 12 gradë.

Ju bëftë mirë!

Tortë melani

Koha e përgatitjes: 60 minuta                      
Kompleksiteti: mesatare

PËRGATITJA:

• 5 vezë
• 300 gr arra të grira
• 250 gr gjalpë
• 4 vezë
• 400 ml shtalp
• 250 gr çokollatë për gatim
• 250 gr sheqer pluhur
• 4 lugë miell
• 6 lugë sheqer
• 3 lugë arra të grira
• 1/2 pako aditiv për brumë

 Së pari në enën për përzierje i thyejmë 5 vezët. E shtojmë sheqerin dhe përziejmë derisa të shkrihet sheqeri. E shtojmë edhe miellin dhe aditivin për brumë. Përziejmë me telin e kuzhinës dhe shtojmë tri lugë arra të grira. Përziejmë edhe njëherë me tel.
 Kallëpin për tortë e lyejmë me gjalpë dhe në të e shprazim përmbajtjen nga ena për përzierje. Pjekim 20 minuta në temperaturë prej 200 gradë.
 Ndërkohë çokollatën e thyejmë në copë dhe e shkrijmë në avull. Në enën për përzierje e vëmë gjalpin e mbetur dhe sheqerin pluhur dhe i përziejmë me mikser.
 I thyejmë 4 vezët e mbetura dhe i ndajmë të bardhat nga të verdhat e vezës. Të verdhat e vezës i vëmë në enën për përzierje ndërsa të bardhat në një enë tjetër.I përziejmë të verdhat e vezës dhe e shtojmë çokollatën e shkrirë dhe 300 gr lajthi të grira. Përziejmë me mikser derisa të fitojmë një masë homogjene.Pandispanjën e pjekur e presim në dy pjesë. Pjesën e poshtme të pandispanjës e vëmë në një pjatë për tortë, mbi të cilën hedhim nga kremi i përgatitur. Mbi kremin e vëmë copën e dytë të pandispanjës. Edhe atë e lyejmë me krem. Me krem e lyejmë tërë sipërfaqen e tortës. Tortën e lëmë të ftohet.
Shtalpin e përziejmë me mikser. Kremin pana , të fituar nga shtalpi, e vëmë në shiringë kuzhine, me të cilën i zbukurojmë skajet dhe mesin e tortës.Luleshtrydhat e prera në feta i rendisim shkallë- shkallë mbi kremin pana. Në mesin e tortës mbi kremin pana vëmë një degë nenexhiku.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe me shije të ëmbël. Serviret në temperaturë prej 10 deri në 12 gradë.
Ju bëftë mirë!

Tortëza me arra

Kategoria: Ëmbëlsira                          

Koha e përgatitjes: 40 minuta
Kompleksiteti: lehtë

PËRGATITJA:

• 140 gr arra të grira
• 1 aditiv për brumë
• 140 gr sheqer pluhur
• 5 vezë
• 1 sheqer vanilje
• 150 ml qumësht
• 140 gr sheqer pluhur
• 5 lugë miell

 Së pari i thyejmë 5 vezët dhe i ndajmë të bardhat nga të verdhat. Të verdhat i vëmë në një enë për përzierje, ndërsa të bardhat në një enë të madhe e të thellë.
 Me mikser i përziejmë të verdhat e vezës dhe e shtojmë sheqerin pluhur. Përziejmë, derisa të shkrihet sheqeri.
 Pastaj, me mikser i rrahim të bardhat e vezës. të bardhat e rrahura i shtojmë në enën për përzierje dhe tërë përmbajtjen e përziejmë me tel kuzhine. në enë e shtojmë edhe miellin dhe aditivin për brumë. Gjatë tërë kohës përziejmë me tel.
 Tavën për pjekje e mbulojmë me letër dhe në të e hedhim brumin e përgatitur. Pjekim 15 minuta në temperaturë prej 200 gradë.
 Në tenxhere i vëmë arrat e grira, sheqerin dhe sheqer vaniljen. Përziejmë dhe në tenxhere e shtojmë qumështin. Pastaj tenxheren e vëmë në zjarr dhe përziejmë pandërprerë.
 Pandispanjës së pjekur ia largojmë letrën dhe e presim në dy pjesë. Mbi copën e parë të pandispanjës hedhim nga kremi i përgatitur. Mbi kremin e vëmë edhe copën e dytë të pandispanjës. Tortën me krem e presim në tetë copë. Me një sitë hedhim mbi të sheqer pluhur.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe shije të ëmbël. Serviret në temperaturë prej 10 deri në 12 gradë.

Ju bëftë mirë!

Mish viçi me perime

Kategoria: Pjata të dyta                              

Koha e përgatitjes: 120 minuta
Kompleksiteti: mesatare
Për 4 persona

PËRGATITJA:

• 800 gr tul viçi
• 200 gr lakër e freskët
• rrënjë selinoje
• 100 gr karota
• 1 kokë qepë
• 1 patate e qëruar
• lisën
• kokkra piperi të zi
• vaj
• kripë dhe piper i zi

 Hedhim kripë mbi të gjitha anët e mishit dhe e vëmë në tenxhere me ujë në zjarr për zierje. Në tenxhere i shtojmë karotat, patatet dhe rrënjën e selinos të prerë në copë. Qepën e presim në rrathë të cilat i shtojmë në tenxhere. Lakrën e presim përgjysmë dhe e shtojmë në tenxhere. Në tenxhere e thërrmojmë lisnin, i shtojmë kokrrat piper të zi, hedhim kripë, e mbulojmë tenxheren me kapak dhe e lëmë të ziejë për 2 orë.
 Mishin e zierë e presim në 4 copë, të cilat i vendosim në dërrasën për servirje. edhe perimet i vëmë në dërrasën për servirje. Në dërrasë vëmë një enë me shtalpë të cilën e zbukurojmë me fleta majdanozi. Mbi mishin dhe perimet hedhim nga lëngu në të cilin zjenin.
 Me këtë pjatë rekomandohet vera e thatë  kuqe, cilësore e llojit Vranec, me ngjyrë të rubinit të errët dhe të kuqe dhe me aromë të kumbullave të thata, manaferrave dhe stafidheve. Serviret në temperaturë prej 16 deri në 18 gradë.
 Ju bëftë mirë!!!

Kube minjon

Koha e përgatitjes: 20 minuta                        
Kompleksiteti: lehtë

PËRGATITJA:

• 150 gr arra të grira
• 150 gr thekpinj arra
• 200 gr çokollatë për gatim
• 1 vezë
• 1 lugë reçel kajsie
• 50 gr rrush i thatë
• 200 gr sheqer pluhur
• 2 lugë rum

 Në tavolinë me petës i copëtojmë arrat dhe i vëmë në një enë. Në enë shtojmë çokollatë të grirë në rende, sheqerin pluhur, rrushin e thatë, reçelin e kajsive dhe rumin. E shtojmë edhe të bardhën e vezës dhe përziejmë me mikser derisa të fitojmë një masë homogjene. Gjysmën e masës e vëmë mbi tavë për pjekje të kthyer nga prapa. Masën e rrafshojmë dhe e lëmë të ftohet. Çokollatën e mbetur e thyejmë në copë dhe e shkrijmë mbi avull. Shtojmë edhe vaj që çokollata të fitojë shkëlqim. Çokollatën e shkrirë e hedhim mbi masën dhe e shpërndajmë mbi tërë sipërfaqen. Pastaj, minjon ëmbëlsirën e presim në kube. Mbi çdo kub minjon vëmë nga një copë kajsie të thatë.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe shije të ëmbël. Serviret në temperaturë prej 10 deri në 12 gradë.
Ju bëftë mirë!

Bajadera

Koha e përgatitjes: 30 minuta                    
Kompleksiteti: lehtë

PËRGATITJA:

• 300 gr arra të grira
• 300 gr biskota
• 300 gr çokollatë për gatim
• 300 gr sheqer
• 250 gr margarinë
• 2 dl ujë

 Në tenxhere në zjarr hedhim ujin, sheqerin dhe margarinën. Në tavolinë me petës i grijmë biskotat. Biskotat e grira i vëmë në një pjatë. Pasi shkrihet margarina, tenxheren e heqim nga zjarri dhe përmbajtjen e vendosim në një enë të madhe e të thellë. Në enë i shtojmë biskotat e grira dhe arrat e grira. përziejmë derisa të fitojmë një masë homogjene.

 Pastaj, gjysmën e masës e vëmë mbi tavë për pjekje të kthyer nga prapa. Në gjysmën tjetër e copëtojmë çokollatën. Pastaj, nga masa ngjyrë kafe vëmë mbi masën e verdhë. E lëmë të ftohet.

 Çokollatën e shkrijmë në avull. Shtojmë edhe vaj që çokollata të fitojë shkëlqim. Çokollatën e shkrirë e hedhim mbi masën dhe shpërndajmë në tërë sipërfaqen e bajaderës.
 Bajaderën e presim në copë.
Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe shije të ëmbël. Serviret në temperaturë prej 10 deri në 12 gradë.
Ju bëftë mirë!

Anjeza

Kategoria: Ëmbëlsira                                        
Koha e përgatitjes: 40 minuta
Kompleksiteti: lehtë

PËRGATITJA:

• 150 gr sheqer pluhur
• 5 lugë miell
• 4 vezë
• 200 gr gjalpë
• 150 ml qumësht
• 50 gr çokollatë për gatim
• 300 gr arra të grira
• miell kokosi

 Së pari thyejmë 4 vezë dhe i ndajmë të bardhat nga të verdhat.Të bardhat e vezës i vëmë në një enë të madhe e të thellë, ndërsa të verdhat i vëmë në një enë tjetër. Në enën për përzierje vëmë 140 gr  gjalp dhe 120 gr sheqer pluhur. Përziejmë me mikser, derisa gjalpi të shkumëzohet. I shtojmë katër të verdhat e vezës dhe përziejmë me mikser. Me mikser i rrahim edhe katër të bardhat e vezës dhe i shtojmë në enën për përzierje dhe përziejmë me tel kuzhine. Shtojmë edhe 150 gr arra të grira dhe përziejmë, derisa masa të bëhet homogjene. Përziejmë me lugë dhe e shtojmë miellin. Në tavën për pjekje, të lyer me gjalpë e hedhim brumin për ëmbëlsira dhe pjekim 15 minuta, në temperaturë prej 200 gradë.
 Ndërkohë, në tenxhere e hedhim qumështin dhe e vëmë në zjarr. Në një enë të madhe të thellë i hedhim arrat e grira të mbetura dhe sheqerin pluhur. Qumështin e nxehtë e shtojmë në enë, duke përzier me lugë.Shtojmë 50 gr gjalpë dhe çokollatën. përziejmë me lugë derisa të shkrihet gjalpi dhe çokollata. Pasi piqet, pandispanjën e lëmë të ftohet. Mbi pandispanjën e hedhim kremin e përgatitur. Mbi tortë hedhim miell kokosi. Pastaj e presim një copë drejtëkëndëshe.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe shije të ëmbël. Serviret në temperaturë prej 10 deri në 12 gradë.
Ju bëftë mirë!

Krem mango

Kategoria: Ëmbëlsira                                    

Koha e përgatitjes: 15 minuta
Kompleksiteti: lehtë

PËRGATITJA:

• 1 mango
• 6 lugë sheqer
• 25 gr niseshte
• 1 limon
• 200 ml ujë
• 200 ml shtalp

 Në enën me niseshte shtojmë pak ujë dhe përziejmë me tel kuzhine. Ujin e mbetur e vëmë në tenxhere në zjarr. Në tenxhere grijmë me rende lëkurë limoni, e shtojmë sheqerin. Pasi fillon të ziejë uji në tenxhere e shtojmë niseshten e zbutur. Përziejmë me tel kuzhine pandërprerë, derisa kremi të fitojë dendësinë e duhur.
 Mangon e qëruar e presim në copë dhe e shtypim në enën e thellë. Në enë e shtojmë kremin. E lëmë të ftohet.
 Në enën për përzierje e vëmë shtalpin. Përziejmë me mikser, derisa kremi pana të fitojë dendësinë e duhur. E shtojmë kremin mango të ftohur dhe përziejmë me lugë.
 Me ndihmën e shiringës së kuzhinës kremin mango e mbushim në gota për ëmbëlsira. Kivin e qërojmë dhe e presim në gjysmërrathë të hollë. Me to e zbukurojmë kremin mango. Në mesin e gotës vëmë disa qershi.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.

Ju bëftë mirë!!!

Ëbëlsira zhele

Kategoria: Ëmbëlsira                                      

Koha e përgatitjes: 20 minuta
Kompleksiteti: lehtë

PËRGATITJA:

• 250 gr biskota
• 250 gr gjalpë
• 250 gr sheqerka zhele
• 250 gr sheqer pluhur
• 250 gr rrush i thatë
• 30 ml rum

 Së pari i grijmë biskotat, i vëmë në një enë për përzierje dhe e shtojmë gjalpin e sheqerin pluhur. Përziejmë me mikser derisa të bashkohet gjalpi dhe sheqeri pluhur. Sheqerkat zhele të prera në copë i shtojmë në enën për përzierje. E shtojmë edhe rrushin e thatë dhe rumin. Përziejmë me lugë që të fitojmë një masë homogjene.
 Masën nga ena e vëmë në pjesën e poshtme të kutisë për torte. Me thik╒ nga masa krijojmë formë torteje. Ëmbëlsirën e lëmë të ftohet. Pastaj, e presim në copë. E zbukurojmë me çokollatë të shkrirë.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.

Ju bëftë mirë!!!

Krem me çokollatë me krem pana

Kategoria: Ëmbëlsira                            

Koha e përgatitjes: 20 minuta
Kompleksiteti: lehtë

PËRGATITJA:

• 70 gr çokollatë për gatim
• 200 ml shtalp
• 3 vezë
• 1 sheqer vanilje
• 25 gr margarinë
• 100 gr sheqer
• 70 gr miell
• 0.5 l qumësht

 Në tenxhere e vëmë gati tërë qumështin, e shtojmë sheqerin, e vëmë në zjarr dhe përziejmë. Pastaj i thyejmë 3 vezët dhe i ndajmë të bardhat nga të verdhat. Të verdhat i vëmë në qumështin e mbetur ndërsa të bardhat në një enë anash.
 Me mikser e përziejmë qumështin dhe vezët, e shtojmë miellin dhe përsëri përziejmë me mikser. në anën e shpeshtë të rendes e grijmë çokollatën. Në tenxheren në zjarr e shtojmë sheqer vaniljen, margarinën dhe masën e përzier nga qumështi, vezët dhe mielli. Me telin e kuzhinës e përziejmë kremin derisa të fitojë dendësinë e duhur.
 Tenxheren e heqim nga zjarri dhe në të shtojmë çokollatën e grirë dhe përziejmë me lugë. Me kremin e përgatitur e mbushim një gotë për akullore dhe e lëmë të ftohet.
 Në enën për përzierje e hedhim shtalpin dhe përziejmë me mikser derisa kremi të fitojë dendësinë e duhur për krem pana. Kremin pana e vëmë në shiringë të kuzhinës me të cilën e zbukurojmë kremin e ftohur. Mbi kremin pana hedhim arra të grira. Zbukurojmë me disa shkopinj çokollate.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.

Ju bëftë mirë!!!

Facebook: https://www.facebook.com/pages/K%C3%ABnaq%C3%ABsia-e-Gatimit/362409420501190?fref=ts

Bombëza çokollate

Kategoria: Ëmbëlsira                                  

Koha e përgatitjes: 20 minuta
Kompleksiteti: lehtë

PËRGATITJA:

• 300 gr lajthi të grira
• 200 gr çokollatë për gatim
• 100 gr sheqer pluhur
• 2 vezë
• 2 pako sheqer vanilje
• 3 ml rum

 Në enën për përzierje grijmë 100 gr çokollatë. I shtojmë lajthitë e grira, sheqerin pluhur, sheqer vaniljen dhe rumin. I thyejmë dy vezët dhe në enën për përzierje i shtojmë edhe dy të bardhat e vezës. Përziejmë me mikser derisa të fitojmë një masë homogjene.
 Çokolatën e mbetur e thyejmë në copë dhe e shkrijmë mbi avull. Shtojmë edhe vaj që çokollata të fitojë shkëlqim.
 Marrim nga masa nga ena për përzierje dhe formojmë bombëza. Njërën gjysmë të bombëzave e kalojmë në çokollatë të shkrirë. Bombëzat e çokollatës i vëmë në shporta letre.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.

Ju bëftë mirë!!!

Kokos sallam

Kategoria: Ëmbëlsira                                      

Koha e përgatitjes: 30 minuta
Kompleksiteti: lehtë

PËRGATITJA:

• 300 gr biskota
• 125 gr margarinë
• 100 gr sheqer pluhur
• 200 gr sheqerka zhele
• 2 lugë kakao
• 150 gr kokos
• 2 vezë
• 250 gr sheqer pluhur
• 250 gr margarinë
• 4 lugë qumësht
• 3 lugë rum

 Në tavolinën e punës me petës i grijmë biskotat dhe i vëmë në enën për përzierje. Në enë i shtojmë dy vezët, kakaon, 100 gr sheqer pluhur, qumështin, rumin dhe margarinë. Përziejmë me mikser derisa të fitojmë një masë homogjene.
 Në tavolinë vëmë një fletë plastmasi dhe mbi të hedhim masën nga ena për përzierje. Masën e rrafshojmë dhe e mbyllim me plastmasin. Me ndihmën e petëses e rrafshojmë masën.
 Në enë për përzierje vëmë 250 gr margarinë dhe 250 gr sheqer pluhur. Përziejmë me mikser dhe e shtojmë kokosin. Përziejmë derisa të fitojmë një masë homogjene. Sheqerkat zhele të prera në copë të imëta i hedhim në enën për përzierje. Me thikë vëmë nga kremi mbi masën e gatshme. Kremin e shpërndajmë në tërë sipërfaqen. Pastaj me ndihmë të plastmasit bëjmë formë roleje. Kokos sallamin e lëmë të ftohet. Pasi ftohet, ia largojmë fletën e plastmasit dhe kokos sallamin e presim në copë.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.

Ju bëftë mirë!!!

Ishlera

Kategoria: Ëmbëlsira                        

Koha e përgatitjes: 40 minuta
Kompleksiteti: lehtë

PËRGATITJA:

• 100 gr margarinë
• 200 gr miell
• 100 gr sheqer pluhur
• 120 gr sheqer
• 150 gr margarinë
• 220 gr arra të grira
• 100 gr çokollatë
• 1 vezë

 Me mikser e përziejmë miellin, 150 gr margarinë, 120 gr sheqer, dhe të verdhën e një veze. Shtojmë 70 gr arra të grira. Pasi të fitojmë një masë homogjene, brumin e vëmë në tavolinë mbi të cilën kemi hedhur miell. Brumin e ngjeshim me duar dhe prej tij bëjmë petë. Me kallëp nxjerrim forma rrethi të cilat i vendosim në tavë për pjekje. Pjekim 15 minuta në temperaturë prej 180 gradë.
 Ndërkohë në enën për përxierje hedhim margarinë dhe sheqerin pluhur dhe përziejmë me mikser derisa të zbardhet margarina. Pastaj në enë e shtojmë të bardhen e vezës dhe 150 gr arra të grira dhe përziejmë me mikser.
 Mbi format e pjekura me shiringë kuzhine, hedhim nga kremi i përgatitur. Mbi kremin vëmë edhe nga një formë rrethi.
 Pastaj në një enë të thellë e copëtojmë çokollatën. Enën e vëmë mbi një tenxhere me ujë në zjarr që të shkrihet çokollata. Shtojmë edhe vaj. Çdo ëmbëlsirë e lyejmë nga njëra anë me çokollatën e shkrirë dhe me arrat e grira.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.

Ju bëftë mirë!!!

Bundes role

Kategoria: Ëmbëlsira                    

Koha e përgatitjes: 15 minuta
Kompleksiteti: lehtë

PËRGATITJA:

• 250 gr arra
• 100 gr rrush i thatë
• 2 vezë
• 200 gr çokollatë për gatim
• 120 gr miell
• 100 gr sheqer pluhur
• 1 lugë miell
• 1 aditiv për brumë
• 4 lugë rum
• 1 lugë shtalp 

 Në një enë hedhim arrat e grira, rumin dhe rrushin e thatë. Shtojmë një lugë miell dhe shtalpin. Gjatë tërë kohës përziejmë me lugë. Përmbajtjen e lëmë anash për 15 minuta.
 Në enën për përzierje hedhim një vezë të tërë dhe një të verdhë të vezës. Pëziejmë me mikser dhe e shtojmë sheqerin pluhur. Aditivin për brumë e hedhim në enën me miell. Pastaj duke përzier me lugë e shtojmë miellin në enën për përzierje. Përziejmë derisa të fitojmë një masë homogjene. Në enën për përzierje e shtojmë masën me arra. përziejmë derisa të ngjitet e tërë masa.
 Mbi dërrasën për prerje hedhim miell. Mbi të e vëmë brumin për bundes rolenë. Edhe mbi brumin hedhim miell. Brumin e ngjeshim me duar. Brumin e ndajmë në dy pjesë dhe me duar krijojmë dy role të njejta. Tavën për pjekje e lyejmë me vaj dhe i vëmë roletë në të. Pjekim 20 minuta, në temperaturë prej 200 gradë.
 Ndërkohë çokollatën e thejmë në copë dhe e vëmë të shkrihet në avull. Shtojmë edhe vaj që çokollata të fitojë shkëlqim.
 Çokolatën e shkrirë e hedhim mbi roletë. Roletë i presim në copë me trashësi 2 cm.
Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.
Ju bëftë mirë!!!

Kuglof me lajthi dhe karrota

Kategoria: Ëmbëlsira                                          

Koha e përgatitjes: 50 minuta
Kompleksiteti: lehtë

PËRGATITJA:

• 100 gr lajthi të grira
• 50 gr niseshte
• 100 gr miell
• 200 gr sheqer
• 100 gr margarinë
• 1/2 pako aditiv për brumë
• 300 gr karota
• 1 limon
• 5 vezë

 Në një tenxhere në zjarr e vëmë margarinën të shkrihet. Pastaj i grijmë karotat në rende, në një enë të madhe e të thellë. Lëngun e një gjysmë limoni e hedhim mbi karotat e grira, që të mos zbardhen. Përziejmë me lugë.

 Në një enë tjetër të thellë i hedhim të bardhat e vezës. Në enën për përzierje i hedhim të verdhat e vezës. Në enë për përzierje shtojmë sheqer dhe përziejmë me mikser, derisa të shkrihet sheqeri. Pastaj me mikser i rrahim të bardhat e vezës dhe e shtojmë sheqer vaniljen.
 Në enën për përzierje i shtojmë karrotat. Këtë herë përziejmë me lugë. Duke përzier pandërprerë e shtojmë margarinën e shkrirë dhe lajthitë e grira. Në enë i shtojmë të bardhat e vezës të rrahura. Përziejmë, derisa masa të bëhet homogjene.
 Aditivin për brumë, miellin dhe niseshten i shtojmë në enë dhe përziejmë me lugë, derisa masa të bëhet homogjene.
 Kallëpin e lyejmë me margarinë dhe në të e vëmë brumin për kuglof. Pjekim 30 minuta në temperaturë 180 gradë.

 Pas gjysmë ore e nxjerrim kallëpin nga furra dhe kuglofin e kthejmë nga prapa në pjatë. Me kullojsë mbi kuglofin hedhim nga sheqeri pluhur.
 Presim një copë kuglof me lajthi dhe karrota.
Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.
Ju bëftë mirë!!!

Tortë greke

Koha e përgatitjes: 30 minuta            
Kompleksiteti: mesatar

PËRGATITJA:

• 1 kuti e madhe biskota
• 150 gr biskota të grira
• 750 ml qumësht
• 150 gr napolitane çokollata të grira
• 200 ml qumësht
• 20 gr xhelatinë
• 6 pako pluhur për krem pana
• 1/2 kg sheqer 
• 1/2 l qumësht

 Në tenxhere në zjarr hedhim 300 ml qumësht dhe gjysmë kilogram sheqer. Përziejmë me tel, që sheqeri të shkrihet shpejtë. Në enën me qumështin e mbetur hedhim xhelatinën dhe e përziejmë me tel. Duke përzier pandërprerë me tel, në tenxheren me qumështin e valuar e shtojmë xhelatinën e zbutur.
 Në enë të thellë hedhim 750 ml qumësht. E shtojmë pluhurin për krem pana. E rrahim me mikser derisa kremi pana të fitojë dendësinë e duhur. Pastaj, në enë e shtojmë masën e ftohur me xhelatinë. Përziejmë me tel kuzhine.
 Nga një të tretën e masës vëmë në dy enë. Në enën e parë me krem pana i shtojmë napolitanet e çokollatës të grira dhe përziejmë me lugë. Në enën e dytë i shtojmë biskotat e grira dhe përziejmë me lugë.
 Në enën e thellë të cilën do ta përdorim si kallëp shtrojmë fletë plastmasi dhe e derdhim në të masën me napolitanet e çokollatës. Sipër e vëmë kremin pana të mbetur në enën e thellë. Sipër e derdhim kremin pana me biskotat e grira.
 Në enë të thellë derdhim 200 ml qumësht. Çdo biskotë e kalojmë në qumësht dhe e vëmë sipër kremit pana me biskota të grira. Sipër biskotave i paltojmë skajet e fletës së plastmasit. Enën e vëmë në frigorifer. Pasi shtrëngohet ëmbëlsira e nxjerrim enën nga frigoriferi. I hapim skajet e fletës së plastmasit dhe enën e kthejmë nga prapa mbi pjatën për torta. E largojmë fletën e plastmasit. Me lugë sipër tortës hedhim çokollatë të shkrirë. Në mes të çokollatës vëmë disa vishnje. Vishnje vëmë edhe në pjatën përreth tortës.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.
Ju bëftë mirë!!!

Pite me shampinjona

Koha e përgatitjes: 80 minuta                              

Kompleksiteti: lehtë


PËRGATITJA:

• 1/2 kg petë të gatshme
• 400 gr shampinjona të freskëta
• 200 ml qumësht
• 5 vezë
• 200 ml shtalpë
• 100 ml ujë me gaz
• 50 gr gjalpë
• 1 kokë qepë
• vaj
• kripë dhe piper i zi

 Në tiganin në zjarr hedhim 50 gr gjalpë. Në gjalpin e shkrirë e skuqim qepën e grirë. Pasi zbutet qepa në tigan i shtojmë shampinjonat e prera në fije të holla.
 Në enë të thellë i thyejmë vezët dhe i rrahim me tel kuzhine. Në vezët e rrahura e shtojmë shtalpën, qumështin dhe ujin me gaz. Përziejmë me tel derisa të bashkohet masa.
 Tavën e lyejmë me gjalpë. Në tavë e vëmë një petë të paltuar përgjysmë. Sipër saj e vëmë një petë duke i lënë skajet jashtë tavës. Sipër petëve vëmë nga shampinjonat. Në tavë vëmë edhe një petë. Skajet e petës i kthejmë nga brendia. Përsëri vëmë kërpudha. Vëmë petë dhe kërpudha derisa ti harxhojmë të gjitha. Petën e fundit e paltojmë përgjysmë dhe e vëmë në tavë. E mbulojmë me skajet e petës të cilat janë jashtë tavës. Pastaj, piten e presim në copë. Sipër pites e hedhim masën me vezë dhe em shtalpë.
 Tavën e vëmë në furrë. Pjekim 45 minuta në temperaturë prej 250 gradë. Copët e pites i nxjerrim nga tava dhe shkallë-shkallë dhe në rreth i rendisim në dërrasën për servirje. Mbi çdo copë pite vëmë nga një fetë domateje. Sipër copës në mes të dërrasës vëmë 4 topa shtalpë.
          Me këtë pjatë rekomandohet vera e thatë e bardhë cilësore e llojit Traminer me ngjyrë të artë të vërdheme dhe erë të theksuar muskati nga përzierja e luleve, erëzave dhe fruteve. Serviret në temperature prej 10 deri në 12 gradë.

Ju bëftë mirë!!!

Tortë akullore me banane

Kategoria: Ëmbëlsira                                  

Koha e përgatitjes: 30 minuta
Kompleksiteti: lehtë

Për 12 persona

PËRGATITJA:

• 12 kone sheqeri për akullore të grimcuara
• 1/2 gotë arra të copëtuara
• 6 lugë gjalpë i shkrirë

Për tortën:

• 1-3/4 jogurt i ngrirë vanilje, i zbutur, 
• 2 banane mesatarisht të pjekura, të ndrydhura
• 1 lugë ekstrakt bananeje, (jo e detyrueshme)
• 1 poç krem karamel i nxehtë për akullore
• 1 filxhan arra të copëtuara
• 1 filxhan krem luleshtrydhesh për akullore

 Në një enë të vogël, përziej konet e grimcuara, arrat dhe gjalpin.
Në një enë tjetër të vogël, përziej 3 filxhana jogurt, bananet dhe ekstraktin e bananeve nëse e keni. Përhapeni mbi tërë sipërfaqen. Në një enë të vogël, kombino kremin karamel dhe arrat dhe përhape mbi jogurt. Mbuloje përzierjen dhe futeni në frigorifer që të ngrijë për 2 orë, derisa të forcohet.

 Hidh sipër jogurtin e mbetur, përhape mbi sipërfaqe kremin e luleshtrydheve. Mbuloje dhe futeni në frigorifer që të ngrijë për 8 orë gjatë natës derisa të forcohet. Zbukuroni me krem (me shllag).

Pashtetë role

Kategoria: Pjata të para                                    

Koha e përgatitjes: 90 minuta
Kompleksiteti: mesatare

Për 4 persona

PËRGATITJA:

• 300 gr mish i grirë
• 1 pashtetë
• 200 gr miell
• 1 kokë qepë
• 2 lugë bukë e grirë
• 1 kastravec turshi
• 3 vezë
• 1 tharm i freskët
• 1 spec i kuq
• 100 gr gjalpë
• 1 kub supë e gatshme
• 2 lugë lëvozhga soje
• 1 lugë kafeje piper i kuq
• 1 lugë mustardë
• vaj
• kripë dhe piper i zi

 Në një enë të madhe e të thellë i vëmë lëvozhgat e sojes dhe bukën e grirë. Shtojmë ujë, përziejmë dhe i lëmë të qëndrojnë anash për 15 mninuta.
 Në një enë tjetër e vëmë miellin, të verdhën e vezës, gjalpin e shkrirë dhe tharmin e zbutur në ujë. Brumin e ngjeshim me dorë. Hedhim kripë dhe vazhdojmë ta ngjeshim. Brumin e lëmë të qëndrojë derisa ta përgatisim përmbajtjen për brendi.
 Në vajin e nxehtë e skuqim qepën. Pasi zbutet qepa në tenxhere e shtojmë mishin e grirë. Përziejmë dhe hedhim kripë dhe piper të zi. Gjatë skuqjes, në tenxheren me mish hedhim me garuzhdë nga supa e zier dhe përziejmë. Pasi skuqet mishi, në tenxhere i shtojmë lëvozhgat e sojës dhe bukën e grirë të kulluara.
 Tenxheren e heqim nga zjarri dhe e shtojmë kastravecin turshi, të prerë në copë të imëta, mustardën dhe pashtetën. Përziejmë dhe e shtojmë specin e prerë në copë. E shtojmë edhe piperin e kuq dhe një vezë. Përziejmë, derisa të bashkohet masa.
 Brumin e nxjerrim nga ena dhe e përhapim një petë. Mbi petën e hedhim përmbajtjen nga tenxherja. Mbi përmbajtjen e grijmë një vezë të zier. Pastaj, e mbështjellim rolenë.
 Skajet e rolesë i mbyllim me brumë, që të mos derdhet brendia. Në tavë hedhim vaj dhe e shpërndajmë me furçë. Tavën e mbulojmë me letër dhe mbi të e vëmë rolenë. Me thikë rolesë i bëjmë disa vija, në formë bakllave. rrahim një të verdhë të vezës dhe me të e lyejmë rolenë.
 Tavën e vëmë në furrë. Pjekim rreth 1 orë, në temperaturë prej 225 gradë.
 Rolenë e pjekur e presim në copë. Copët e rolesë i rendisim shkallë-shkallë në pjatën për servirje. Zbukurojmë me topa shtalpe. Në fund vëmë degë majdanozi france.
 Me këtë pjatë rekomandohet vera e thatë e bardhë cilësore e llojit të rrushit Muscat Frontignan, me nuanca të gjelbra e të verdha. Është e pasur me aromat e luleve të muskatit, trëndafilit dhe mandarinave. Ka një shije mirë të balancuar dhe diskrete e cila qëndron për një kohë të gjatë. Serviret në temperaturë prej 10 deri në 12 gradë.
Ju bëftë mirë!!!
 

Bombë e shëllirtë

Kategoria: Pjata të para                        

Koha e përgatitjes: 30 minuta
Kompleksiteti: lehtë

Për 4 persona

PËRGATITJA:

• 70 gr mushkëri pule
• 200 gr gjizë
• 200 gr djath i shkrirë
• 100 gr suxhuk i tymosur
• 50 ml majonezë
• 100 gr gjalpë
• 6 vezë
• 1 lugë majonezë
• 1 lugë mustardë
• 60 gr gjalpë
• 2 thelpinj hudhër
• vaj
• kripë dhe piper i zi

 100 gr gjalpë rrahim me mikser. E shtojmë djathin e shkrirë, gjizën, majonezën dhe hudhrën e shtypur dhe vazhdojmë ti rrahim me mikser, derisa të bashkohet masa. 

 Një enë të thellë e mbulojmë me fletë plastmasi. Në pjesët anësore të enës rendisim feta të holla suxhuku të tymosur. Pastaj enën e mbushim me përmbajtjen nga ena për përzierje dhe e rrafshojmë sipërfaqen. Përsëri rendisim feta suxhuku të tymosur. Në enë e shtojmë përmbajtjen e mbetur nga ena për përzierje. Edhe në anën e sipërme rendisim feta të holla suxhuku. Enën e vëmë në ngrirje që të shtrëngohet përmbajtja.
 Në tigan në zjarr hedhim vaj. Mushkëritë e pulës i skuqim në vaj. Vezëve të ziera ua presim skajet, për të fituar një sipërfaqe të rrafshët dhe i presim përgjysmë. Gjysmat e të bardhave të vezës i rendisim në pjatë.
 Në enë shtojmë 60 gr gjalpë dhe e rrahim me mikser. Mushkëritë i presim në copë shumë të imëta dhe i vëmë në enën me gjalpë nëpërmjet kullojsës. Edhe të verdhat e vezës i shtypim me lugë në kulojsën mbi enë. Në enë shtojmë një lugë mustardë, një lugë majonezë, kripë dhe piper të zi dhe përziejmë me mikser.
 Masën nga ena e madhe e mbushim në shiringën e kuzhinës. Me shiringë i mbushim gjysmat e të bardhave të vezës në pjatë.
 Një spec të kuq e presim në kube të vogla. Nga një copë kub speci vëmë mbi përmbajtjen në gjysmat e vezëve. Fletët e sallatës jeshile i presim në copë shumë të imëta dhe i rendisim në pjatën për servirje në formë kurore.
 Bombën e shëllirtë të shtrënguar e vëmë në mes të kurorës nga sallata jeshile. Rreth saj i servirim vezët e mbushura. Në mes të bombës së shëllirtë zbukurojmë me një ulli.
 Me këtë pjatë rekomandohet vera e thatë e bardhë cilësore e llojit të rrushit Muscat Frontignan, me nuanca të gjelbra e të verdha. Është e pasur me aromat e luleve të muskatit, trëndafilit dhe mandarinave. Ka një shije mirë të balancuar dhe diskrete e cila qëndron për një kohë të gjatë. Serviret në temperaturë prej 10 deri në 12 gradë.
Ju bëftë mirë!!!
 

Figaro

Koha e përgatitjes: 30 minuta                                              
Kompleksiteti: lehtë

PËRGATITJA:

• 50 gr çokollatë për gatim
• 1 pako obllanda
• 300 gr gjalpë
• 300 gr sheqer
• 8 vezë
• 300 gr arra
• 300 gr sheqer
• 50 gr arra të grira

 Gjalpin e vëmë të shkrihet mbi avull. Në gjalpin e shkrirë shtojmë 300 gr sheqer dhe përziejmë me tel kuzhine. I thyejmë vezët dhe i ndajmë të bardhat nga të verdhat. Të verdhat e vezës i hedhim në enë në zjarr dhe vazhdojmë të përziejmë. Pas një kohe të shkurtër enën e largojmë nga zjarri. Duke përzier me telin e kuzhinës, në enë i shtojmë arrat e thërrmuara dhe arrat e grira.
 Në tenxhere tjetër në zjarr hedhim 300 gr sheqer dhe e përziejmë, derisa të karamelizohet. Pastaj duke përzier pandërprerë me telin e kuzhinës, në enë me të verdhat e vezës dhe arrat e shtojmë karamelën. Përmbajtjen e lëmë të ftohet. Mbi obllandën vëmë nga përmbajtja nga tenxherja. Përmbajtjen e përhapim mbi tërë obllandën. Sipër vëmë edhe një obllandë. E shtypim me dorë që të ngjitet për përmbajtjen. Sipër saj, e vëmë përmbajtjen e mbetur dhe e përhapim në tërë sipërfaqen. Mbi të e vëmë obllandën e tretë., por me sipërfaqen e rrafshët nga ana e sipërme. E shtypim me duar që të ngjitet.. Pastaj e lëmë të ftohet.
 Me thikë obllandat e mbushura i presim në copë drejtkëndëshe. Me ndihmë të fishekut, copët e ëmbëlsirës figaro i zbukurojmë me çokollatë të shkrirë. Me lugë, sipër hedhim lajthi të grira. Copët e ëmbëlsirës figaro i rendisim në pjatën për servirje.

 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.

Ju bëftë mirë!!!

Role e dehur

Koha e përgatitjes: 90 minuta                
 Kompleksiteti: mesatar


PËRGATITJA:
Për pandispanjë

• 300 gr sheqer
• 100 ml ujë
• 300 gr arra të grira
• 10 vezë
• 2 lugë kakao
• 150 ml raki
• 1/2 pako kanellë
• 1 limon 
• 1 lugë kanellë

Për krem

• 250 gr sheqer pluhur
• 750 ml qumësht
• 5 lugë sheqer
• 250 gr gjalpë
• 2 pako buding vanilje
• 50 gr kokos
• 50 gr hurma

Për zbukurim

• 3 pako krem pana
• 375 ml qumësht

 Fillojmë me përgatitjen e pandispanjës. Në tenxhere në zjarr hedhim 300 gr sheqer dhe 100 ml ujë. pasi zien shërbeti tenxheren e heqim nga zjarri. Pastaj në tenxhere i hedhim arrat e grira. Përziejmë me lugë dhe  elëmë masën të ftohet.
 Fillojmë me përgatitjen e kremit. Në tenxhere në zjarr hedhim gati tërë qumështin dhe 6 lugë sheqer. Në enën me pluhurin për buding e shtojmë qumështin e mbetur dhe përziejmë me tel. Duke përzier pandërprerë në tenxheren me qumësht të valuar e shtojmë budingun e zbutur me qumësht. Pasi budingu të fitojë dendësinë e duhur, tenxheren e heqim nga zjarri. E lëmë budingun të ftohet.
 Vazhdojmë me përgatitjen e pandispanjës. I thyejmë vezët dhe i ndajmë të bardhat nga të verdhat. Të bardhat i hedhim në enë të thellë, ndërsa të verdhat i hedhim në enën për përzierje. Pastaj, të verdhat e vezëve i rrahim me mikser. Në enën për përzierje e shtojmë masën me sherbet dhe me arra të grira. Përziejmë me lugë dhe e shtojmë kakaon, rakinë dhe kanellën. Në anën e shpeshtë të rendes në enën për përzierje e grijmë lëkuren e limonit. E shtojmë miellin dhe përziejmë me lugë derisa të fitojmë një masë homogjene. Pastaj em mikser i rrahim të bardhat e vezëve. Në enën e thellë me të bardhat e rrahura e shtojmë masën nga ena për përzierje. Përziejmë me lugë derisa të bashkohet masa.
 Në tavë shtrojmë një letër dhe në të e derdhim brumin për pandispanjë. Tavën e vëmë në furrë. Pjekim 15 minuta në temperaturë prej 200 gradë.
 Vazhdojmë me përgatitjen e kremit. Në enën për përzierje e hedhim gjalpin dhe sheqerin pluhur dhe i rrahim me mikser, derisa gjalpi të fillojë të shkumohet. Në enë e shtojmë budingun e ftohur dhe përziejmë me mikser derisa të fitojmë një masë homogjene. Gjysmën e masës e vëmë në enë tjetër dhe në të hedhim kokosin. Hurmat i presim në copë të imëta dhe i shtojmë në enën e parë.
 Pandispanjën e pjekur e presim në tri shirite të njejta. Shiritin e parë të pandispanjës e vëmë mbi tabaka për torta. Sipër vëmë nga kremi me kokos. Sipër kremit e vëmë shiritin e dytë të pandispanjës. Sipër vëmë nga kremi me hurma. Sipër e vëmë shiritin e tretë të pandispanjës.
 E përgatisim kremin pana. Në enë të thellë e hedhim qumështin dhe pluhurin për krem pana. I rrahim derisa kremi pana të fitojë dendësinë e duhur. Kremin pana e vëmë në shiringë të kuzhinës. Me ndihmën e shiringës i mbulojmë pjesët anësore dhe të sipërme të tortës. Sipër hedhim çokollatë të grirë. Zbukurimin e përfundojmë me një lule në mes të tortës.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.
Ju bëftë mirë!!!
 

Tortë andrashi

Koha e përgatitjes: 70 minuta          

Kompleksiteti: lehtë

PËRGATITJA:

• 6 lugë miell
• 6 vezë
• 150 gr sheqer
• 1 limon
• 150 gr bajame
• 70 gr çokollatë për gatim
• 250 gr gjalpë
• 300 gr sheqer
• 4 vezë
• 200 ml shtalp
• 1/2 pako aditiv për brumë
• 1 lugë çokollatë pluhur

 Në enën për përzierje thyejmë 6 vezë, shtojmë 150 gr sheqer dhe i rrahim me mikser, derisa të shkrihet sheqeri. Çokollatën pluhur dhe aditivin për brumë i shtojmë në enën me miell. Përziejmë dhe miellin e hedhim në enën për përzierje. Përziejmë me lugë derisa të bashkohet masa. Kallëpin e lyejmë me gjalpë dhe e derdhim në të brumin për pandispanjë. Kallëpin e fusim në furrë. Pjekim 20 minuta, në temperaturë prej 200 gradë. Në tenxheren në zjarr e hedhim sheqerin dhe e skuqim derisa të karamelizohet. I shtojmë bajamet e thërrmuara dhe i përziejmë gjatë skuqjes.
 Në tavën, në të cilën kemi shtruar një fletë alumini, hedhim vaj. Me furçë kuzhine e lyejmë fletën e aluminit dhe në tavë e hedhim përmbajtjen nga tenxherja.
 Katër vezët e mbetura i thyejmë në enën për përzierje, shtojmë 150 gr sheqer dhe i rrahim me mikser, derisa të shkrihet sheqeri. Vezët e rrahura i ziejmë në enë mbi avull. Në enë e copëtojmë çokollatën dhe përziejmë, që të shkrihet më shpejtë. Masën e karamelizuar me bajame e grijmë në makinë për arra. Në enën për përzierje e hedhim gjalpin dhe e rrahim me mikser. E shtojmë kremin me vezë dhe me çokollatë. E shtojmë edhe masën e grirë nga sheqeri dhe bajamet. I rrahim me mikser derisa të bashkohet masa. Pandispanjën e pjekur e presim në tri copë të njejta. Mbi copën e parë vëmë nga kremi. E vëmë copën e dytë. Edhe atë e lyejmë me krem. Sipër e vëmë copën e tretë.
 Në enën për përzierje e hedhim shtalpin. E rrahim me mikser derisa kremi pana të fitojë dendësinë e duhur. Tortën e vëmë në tabaka për torta. Me krem pana e lyejmë pjesën e sipërme të tortës. kremin pana të  mbetur e mbushim në shiringë të kuzhinës. Me ndihmën e shiringës zbukurojmë pjesët anësore të tortës. I zbukurojmë edhe skajet e sipërme të tortës. Kremin e mbetur e vëmë në shiringë dhe me të e zbukurojmë tortën. Me copë portokalli e përfundojmë zbukurimin e tortës andrashi.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.

Ju bëftë mirë!!!

Tortë Nolina

Koha e përgatitjes: 60 minuta        

Kompleksiteti: mesatar

PËRGATITJA:

• 250 gr margarinë
• 7 vezë
• 6 lugë sheqer
• 100 gr sheqer pluhur
• 2 pako buding vanilje
• 1 lugë kakao
• 3 lugë sheqer
• 100 gr sheqer pluhur
• 2 lugë miell
• 1 pako sheqer vanilje
• 3 lugë bukë e grirë
• 700 ml qumësht

 Në enën për përzierje thyejmë 4 vezë, shtojmë 6 lugë sheqer dhe i rrahim me mikser. Vazhdojmë të përziejmë me tel kuzhine dhe në enë i shtojmë 2 lugë miell dhe bukën e grirë.
 Kallëpin e lyejmë me margarinë dhe e derdhim në të brumin për pandispanjë. Kallëpin e vëmë në furrë. Pjekim 15 minuta, në temperaturë prej 180 gradë.
 Ndërkohë përgatisim kremin. Në tenxhere në zjarr e hedhim pothuajse tërë qumështin, 3 lugë miell dhe sheqer vaniljen. Në qumështin e mbetur e hedhim pluhurin për buding dhe përziejmë me tel. Duke përzier pandërprerë me tel, në tenxhere e shtojmë budingun e zbutur. E ziejmë, derisa budingu të fitojë dendësinë e duhur. E lëmë budingun të ftohet.
 Tri vezët e mbetura i thyejmë dhe i ndajmë të bardhat nga të verdhat. Në enën me të verdhat hedhim 100 gr shbeqer pluhur dhe i rrahim me mikser.
 Në enën për përzierje e hedhim margarinën, 100 gr sheqer pluhur dhe budingun e ftohur dhe i rrahim me mikser. I shtojmë të verdhat e rrahura dhe e rrahim masën me mikser derisa të bashkohet.
 Pandispanjën e presim në dy pjesë. Copën e poshtme të pandispanjës e lyejmë me krem. Sipër e vëmë copën e dytë të pandispanjës. E lyejmë tërë torten me krem.
 Qumështin dhe pluhurin për krem pana i rrahim me mikser, derisa kremi pana të fitojë dendësinë e duhur. Në kremin e rrahur e shtojmë kakaon.
 Tortës i bëjmë vija për 16 copë. Kremin pana e mbushim në shiringë kuzhine. Me shiringë e zbukurojmë çdo copë të tortës. Edhe pjesën anësore të tortës e zbukurojmë me krem pana.
 Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.Serviret në temperaturë prej 10 deri në 12 gradë.

Ju bëftë mirë!!!

Makarona me salçiçe

Koha e përgatitjes: 40 minuta
Kompleksiteti: lehtë

Për 4 persona

PËRGATITJA:

•             500 gr makarona
•          1 kokë qepë
•          ½ kg salçiçe
•          ½ kg shampinjona të freskëta
•          100 gr parmesan
•          400 ml verë e bardhë
•          200 ml salcë domatesh
•          Vaj
•          Kripë dhe piper i zi

 Në ujin e valuar në tenxhere në zjarr hedhim kripë dhe në të i ziejmë makaronat. Makaronat e ziera i hedhim në kullojsë dhe i shpërlajmë me ujë të ftohtë.
 Në vajin e nxehtë në tigan e skuqim qepën e grirë. Pasi skuqet qepa, në tigan i shtojmë shampinjonat e prera. Salçiçet i presim në gjysmërrathë të hollë. Pasi avullon lëngu në tigan i shtojmë salçiçet e prera. Pastaj e shtojmë salcën e domateve dhe verën e bardhë. Hedhim kripë dhe piper të zi. Pas 5 minuta kaurdisje, e heqim tiganin nga zjarri.
 Hedhim kripë në tavën e qeramikës dhe në të i vëmë makaronat e kulluara.Sipër hedhim masën nga tigani dhe parmezanin. Tavën e vëmë në furrë. Pjekim 10 minuta, në temperaturë prej 180 gradë.
 Me lugë marrim nga makaronat  nga tava dhe vëmë në pjatën për servirje. Hedhim sipër parmezan. Sipër pjatës dhe sipër makaronave hedhim rigon. Me një degë  majdanozi france, e përfundojmë zbukurimin.
 Me këtë pjatë rekomandohet vera e thatë e bardhë cilësore e llojit të rrushit Rizling.me aromë frutash dhe freski karakteristike dhe me një finish të gjatë dhe të thatë.Serviret në temperaturë prej 10 deri në 12 gradë.

Ju bëftë mirë!

Picë me makarona

Koha e përgatitjes: 40 minuta                      
Kompleksiteti: lehtë

Për 4 persona

PËRGATITJA

•          ½ kg makarona spirale
•          300 gr sallam
•          400 gr shampinjona të freskëta
•          300 gr kaçkavall
•          1 lugë kafeje rigon
•          200 ml shtalp
•          100 gr keçap
•          Vaj
•          Kripë dhe piper i zi

Në tenxheren me ujë në zjarr hedhim vaj dhe kripë dhe i ziejmë makaronat. Makaronat i derdhim në kullojsë, i shpëlajmë me ujë të ftohtë dhe i lëmë të kullojnë. Shampinjonat i presim në fije të holla dhe i skuqim në vaj.
Hedhim vaj në enën e qelqit rezistuese ndaj zjarrit dhe në të e vëmë gjysmën e makaronave të kulluara. Pastaj në enë i vëmë shampinjonat e skuqura. Sipër i hedhim makaronat e mbetura. Hedhim sipër kripë , piper të zi, keçap dhe rigon. Në enë e hedhim shtalpin , përziejmë me lugë dhe i rendisim fetat e sallamit. Sipër sallamit e hedhim kaçkavallin e grirë. Enën e vëmë në furrë. Pjekim 15 minuta , në temperaturë prej 200 gradë.
Picën me makarona e presim në copë. Një copë vëmë në pjatën për servirje. Pjatën e zbukurojmë me një gjeth sallate jeshile, mbi të cilën vëmë tre topa shtalpë. Në anën tjetër vëmë feta domatesh. Zbukurimin e përfundojmë me një degë kopri.
Me këtë pjatë rekomandohet vera e thatë e bardhë cilësore e llojit të rrushit Rizling.me aromë frutash dhe freski karakteristike dhe me një finish të gjatë dhe të thatë.Serviret në temperaturë prej 10 deri në 12 gradë.

Ju bëftë mirë!