Tortë role

Koha e përgatitjes: 70 minuta               Kompleksiteti: mesatar

PËRGATITJA:

• 12 vezë
• 340 gr sheqer
• 120 gr arra të grira
• 1/2  l qumësht
• 40 gr miell
• 250 gr margarinë
• 50 gr çokollatë për gatim
• 2 lugë miell

   Fillojmë me përgatitjen e pandispanjës. I thyejmë vezët dhe i ndajmë të bardhat nga të verdhat. Gjashtë të verdha i hedhim në enën për përzierje dhe gjashtë në një enë anash. Pastaj në enën për përzierje hedhim 100 gr sheqer dhe i rrahim me mikser. Me mikser i rrahim edhe të bardhat. Në enën me të bardhat e rrahura i shtojmë të verdhat e rrahura. Përziejmë me lugë. Në enë shtojmë 40 gr miell dhe 60 gr arra të grira. Përziejmë me lugë, derisa të bashkohet masa. Në tavë shtrojmë letër dhe e derdhim brumin në të. Tavën e vëmë në furrë. Pjekim 10 minuta, në temperaturë prej 180 gradë.
   Ndërkohë e përgatisim kremin. Në tenxhere në zjarr hedhim 60 gr sheqer dhe një lugë ujë. Pasi zien sherbeti, e heqim tenxheren nga zjarri dhe hedhim në të 60 gr arra të grira.
   Në tenxhere tjetër në zjarr e hedhim pjesën më të madhe të qumështit dhe sheqerin e mbetur. Në enën me qumështin e mbetur i hedhim 6 të verdhat e vezës dhe përziejmë me tel kuzhine. Shtojmë 2 lugë miell. Duke përzier pandërprerë me tel, në qumështin e valuar në tenxhere i shtojmë të verdhat e zbutura. Pasi kremi e fiton dendësinë e duhur, e heqim tenxheren nga zjarri. E lëmë të ftohet.
   Në enën për përzierje e hedhim masën me arrat e grira, margarinën dhe kremin me të verdha të ftohur. E rrahim me mikser, derisa të bashkohet kremi. Një të tretën e kremit e vëmë në një enë anash. Në anën e rrallë të rendes, në enën për përzierje e grijmë çokollatën.
   E lyejmë pandispanjën me kremin me çokollatë të grirë. Pastaj, me ndihmën e letrës, pandispanjën e mbështjellim në formë roleje. Rolenë e mbështjellim në letër dhe e vëmë në frigorifer për t'u shtrënguar.
   Rolenë e lyejmë me kremin e verdhë. Pastaj e presim në copë. Tri copë tortë role vëmë në pjatën për servirje. Në enën me kremin e verdhë të mbetur hedhim çokollatë të shkrirë. Përziejmë me lugë.
   Kremin e vëmë në shiringë kuzhine. Me shiringë i zbukurojmë copët e rolesë në pjatë. Zbukurimin e përfundojmë me rrush të thatë.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël. Serviret në temperaturë prej 10 deri në 12 gradë.
   Ju bëftë mirë!!!

Ëmbëlsirë Cezar

Koha e përgatitjes: 60 minuta        
Kompleksiteti: mesatar

PËRGATITJA:

• 4 vezë
• 200 gr sheqer
• 150 ml vaj
• 200 gr miell
• 1 pako aditiv për brumë
• 100 ml qumësht
• 4 lugë niseshte
• 1/2 l qumësht
• 150 gr sheqer pluhur
• 250 gr margarinë
• marmelatë kajsie
• 50 gr çokollatë

   Fillojmë me përgatitjen e pandispanjës. Në enën për përzierje i thyejmë vezët dhe i rrahim me tel kuzhine. Duke përzier pandërprerë, në enë shtojmë 200 gr sheqer dhe 150 ml vaj. E lëmë masën anash 60 minuta.
   Fillojmë me përgatitjen e kremit. Në enën me niseshte shtojmë 100 ml qumësht dhe përziejmë me tel. Qumështin e mbetur e hedhim në tenxhere në zjarr. Duke përzier pandërperë me tel, në tenxheren me qumështin e valuar e shtojmë niseshten e zbutur. Pasi, kremi e fiton dendësinë e duhur, e heqim tenxheren nga zjarri. E lëmë kremin të ftohet. Vazhdojmë me përgatitjen e brumit për pandispanjë. Në enë për përzierje shtojmë 100 ml qumësht, miellin dhe aditivin për brumë. Përziejmë me tel, derisa të bashkohet masa.
   Në dy tava shtrojmë letër dhe në njërën e derdhim gjysmën e brumit. Në enën me brumin e mbetur, e grijmë çokollatën, përziejmë dhe këtë brumë e derdhim në tavën e dytë. I vëmë tavat në furrë. Pjekim 25 minuta, në temperaturë prej 180 gradë.
   Vazhdojmë me përgatitjen e kremit. Në enën për përzierje e hedhim gjalpin, sheqerin pluhur dhe kremin me niseshte të ftohur. E rrahim me mikser. Pandispanjat i presim përgjysmë për së gjati. Në tabaka për torta e vëmë copën e parë të pandispanjës me çokollatë dhe e lyejmë me marmelatë dhe me krem. Sipër e vëmë copën e pandispanjës pa çokollatë. E lyejmë me marmelatë dhe me krem. E vëmë copën e dytë të pandispanjës me çokollatë. Edhe atë e lyejmë me marmelatë dhe me krem. E vëmë copën e dytë të pandispanjës pa çokollatë dhe tërë ëmbëlsirën e lyejmë me krem.
   E presim ëmbëlsirën në copë. Tri copë ëmbëlsirë Cezar vëmë në pjatën për servirje. Në anën e rrallë të rendes, sipër ëmbëlsirës grijmë çokollatë.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël. Serviret në temperaturë prej 10 deri në 12 gradë.
   Ju bëftë mirë!!!

Kroasanë çokollate

Koha e përgatitjes: 100 minuta             Kompleksiteti: mesatar

PËRGATITJA:

• 800 gr miell
• 1 filxhan vaj
• 1 filxhan qumësht
• 1/2 tharm i freskët
• 1 lugë sheqer
• 1/2 lugë kripë
• 2 vezë
• 100 gr çokollatë për gatim
• 150 gr gjalpë
• 150 gr krem çokollate
• 50 gr çokollatë e bardhë

   Në enën për përzierje e hedhim miellin, tharmin, vajin, qumështin, sheqerin, kripën, thyejmë një vezë dhe hedhim edhe të bardhën e vezës së dytë. E përziejmë përmbajtjen me mikser, me shtojcat për brumë. Vazhdojmë ta ngjeshim brumin me duar, bëjmë një top, i hedhim sipër miell dhe lëmë të vijë 40 minuta.
   Brumin e ardhur e ngjeshim edhe një herë, e hapim në formë të gjatë dhe e presim në 7 copë të njejta. Nga çdo copë bëjmë top të cilat i hapim me petës. Petët i lyejmë me gjalpë dhe i vëmë njërën mbi tjetrën. Hedhim miell sipër petës së fundit dhe në tavolinën e punës dhe nga petët hapim një petë të madhe. Petën e presim në 16 copë. Në çdo copë brumi vëmë krem çokollate dhe e paltojmë në formë kifleje. Kiflet i rendisim në tavë të lyer me gjalpë. Të verdhën e vezës e përziejmë me vaj dhe me këtë masë i lyejmë kroasanët. Në çdo kroasan vëmë nga një copë gjalpi. tavën e vëmë në furrë. Pjekim 30 minuta, në temperaturë prej 200 gradë.
   Çokollatën për gatim e shkrijmë në enë mbi avull. Në enë hedhim vaj, që çokollata të fitojë shkëlqim. Me lugë sipbr kroasanëve hedhim çokollatë të shkrirë. Pastaj e shkrijmë çokollatën e bardhë dhe shtojmë vaj. Çokollatën e bardhë e hedhim me lugë sipër kroasanëve. Tre kroasanë çokollate vëmë në pjatën për servirje.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël. Serviret në temperaturë prej 10 deri në 12 gradë.
   Ju bëftë mirë!!!

Picë viktoriane

Koha e përgatitjes: 45 minuta               Kompleksiteti: mesatar

Përgatitja për 4 persona:

• 250 gr shampinjona të freskëta
• 150 gr palentë
• 100 gr sallam
• 250 gr kaçkavall
• 500 gr domate të konservuara
• 100 gr kërpudha të marinuara
• 2 vezë
• 200 ml qumësht
• 50 gr niseshte
• 100 gr ullinj
• 100 gr ullinj jeshil të mbushur
• rigon
• vaj
• kripë dhe piper i zi

   I thyejmë vezët dhe i ndajmë të verdhat nga të bardhat. Të verdhat i rrahim me tel kuzhine. Në enë e shtojmë palentën, niseshten dhe hedhim kripë. Përziejmë me tel dhe gradualisht e shtojmë qumështin.
   Me mikser i rrahim të bardhat. Të bardhat e rrahura i shtojmë në enën me palentë. Përziejmë me tel. E grijmë kaçkavallin dhe gjysmën e shtojmë në enën me palentë. Ullinjtë jeshil dhe të zinj i presim në rrathë dhe i hedhim në enë. I presim domatet e konservuara dhe i shtojmë në enë.
   Tavën e lyejmë me gjalpë dhe e derdhim në të masën me palentë. Sipër masës hedhim kaçkavallin e mbetur. Shampinjonat i presim në fije të holla dhe i hedhim sipër kaçkavallit. Sipër vëmë kërpudhat e marinuara. Pastaj, në tavë e vëmë sallamin e prerë në rrathë. Tavën e vëmë në furrë. Pjekim 30 minuta në temperaturë prej 230 gradë.
   Picën e presim në copë. Copët e picës viktoriane i vëmë në pjatë për pica. Sipër hedhim keçap dhe rigon.
Me këtë pjatë rekomandohet vera e thatë e bardhë cilësore e llojit të rrushiut Muscat Frontignan, me nuanca të gjelbra e të verdha. Është e pasur me aromat e luleve të muskatit, trëndafilit dhe mandarinave.
   Ka një shije mirë të balancuar dhe diskrete e cila qëndron për një kohë të gjatë.
Serviret në temperaturë prej 10 deri në 12 gradë.
Ju bëftë mirë!!!

Tortë Kilimanxharo

Koha e përgatitjes: 60 minuta               Kompleksiteti: mesatar

PËRGATITJA:

• 5 vezë
• 170 gr sheqer
• 100 gr miell
• 3 lugë niseshte
• 30 gr kakao
• 1 pako aditiv për brumë
• 300 gr kajsi nga komposto
• 600 ml shtalp
• 60 gr sheqer pluhur

   Fillojmë me përgatitjen e pandispanjës. I thyejmë vezët dhe i ndajmë të bardhat nga të verdhat. Në enën me të verdhat e hedhim gjysmën e sheqerit dhe i rrahim me mikser. Në të bardhat e hedhim sheqerin e m betur dhe i rrahim me mikser. Në enën me të bardhat e rrahura i shtojmë të verdhat e rrahura. Përziejmë me lugë. Pastaj, në enë e shtojmë miellin, niseshten, aditivin për brumë dhe kakaon.
   Në kallëpin e rrumbullakët shtrojmë letër dhe e derdhim brumin në të. Kallëpin e vëmë në furrë. Pjekim 250 minuta, në temperaturë prej 180 gradë.
   Fillojmë me përgatitjen e kremit. E rrahim shtalpin me mikser, derisa kremi pana të fitojë dendësinë e duhur. Kajsitë i presim në kube dhe i hedhim në enën me krem pana.
   Pandispanjën e presim përgjysmë. Petën er parë të pandispanjës e vëmë në pjatë për torta. Sipër e vëmë kremin dhe ia bëjmë formën e kupës. Petën e dytë e presim në 16 copë të njëjta. Copët e pandispanjës në formë rrethi i vëmë sipër kremit. Në mes të tortës vëmë copë kajsie. Me ndihnmën e kullojsës, sipër tortës hedhim sheqer pluhur.
   Me këtë ëmbëlsirë rekomandohet vera e thatë e bardhë cilësore e llopjit të rrushit Shardone, me aromë të frutave dhe me shije të ëmbël. Serviret në temperaturë 10 deri në 12 gradë.
   Ju bëftë mirë!!!

Patëllxhanë pane me kaçkavall dhe sallam

Koha e përgatitjes: 30 minuta               Kompleksiteti: lehtë

Për 4 persona
PËRGATITJA:

• 2 ptëllxhanë
• 200 gr kaçkavall i tymosur
• 200 gr sallam
• bukë e grirë
• miell
• 2 vezë
• vaj
• kripë dhe piper i zi

   Patëllxhanët i presim në rrathë të hollë dhe i kripim. Kaçkavallin e tymosur e presim në rrathë të hollë. I thyejmë vezët në enë të thellë dhe i rrahim me pirun. Sipër gjysmës së fetave të patëllxhanëve vëmë nga një fetë sallami dhe nga një fetë kaçkavalli. Pastaj, senduiçët i mbyllim me nga një fetë patëllxhani. Çdo senduiç e kalojmë në miell, në vezë të rrahura dhe në bukë të grirë dhe e skuqim në vaj. Patëllxhanët e skuqur i vëmë në pjatë të mbuluar me letër, për ta mpirë yndyrën e tepërt.
   Pjatën e zbukurojmë me keçap. Pastaj, në pjatë, shkallë-shkallë i vëmë patëllxhanët me kaçkavall dhe sallam. Zbukurimin e përfundojmë me degë borziloku dhe kopri.
   Me këtë pjatë rekomandohet vera e thatë e bardhë cilësore e llojit të rrushit Muscat Frontignan, me nuanca të gjelbra e të verdha. Është e pasur me aromat e luleve të muskatit, trëndafilit dhe mandarinave.
   Ka një shije mirë të balancuar dhe diskrete e cila qëndron për një kohë të gjatë.
Serviret në temperaturë prej 10 deri në 12 gradë.
   Ju bëftë mirë!

Shnicla diplomatike

Koha e përgatitjes: 40 minuta                      
Kompleksiteti: mesatar

Për 4 persona
PËRGATITJA:

• 1/2 kg stek pule
• 2 lugë gjalpë
• majdanoz
• 3 thelpinj hudhër
• 150 gr mushkëri pule
• 100 gr miell
• 2 vezë
• 2 patate të qëruara
• 100 gr bukë e grirë
• vaj
• kripë dhe piper i zi

   I grijmë thelpinjtë e hudhrës dhe majdanozin dhe i skuqim në gjalpë. Hedhim kripë dhe grijmë piper të zi. Copët e stekut të pulës i presim përgjysmë për së ghati, i rrahim me çekiç druri dhe sipër e vëmë hudhrën me majdanoz dhe nga një copë mushkëri pule. I paltojmë stekat përgjysmë dhe i rrahim skajet e mishit. Çdo copë steku pule të mbushur e kalojmë në miell, në vezë të rrahura dhe në bukë të grirë dhe e skuqim në vaj.
   Patatet e qëruara i presim në copë të gjata dhe i skuqim në vaj. Pjatën për servirje e zbukurojmë me një gjeth sallate jeshile. Në njërën anë të pjatës vëmë dy shnicla diplomatike. Në anën tjetër, sipër sallatës i vëmë patatet e skuqura. Shniclën e tretë e presim përgjysmë. Shniclat diplomatike i zbukurojmë me dy rrepka të kuqe dhe em dy copë karote.
   Me këtë pjatë rekomandohet vera e thatë e bardhë cilësore e llojit të rrushit Rizling, me aromë frutash dhe freski karakteristike dhe me një finish të gjatë e të thatë. Serviret në temperaturë prej 10 deri në 12 gradë.
   Ju bëftë mirë!!!

Gryka të pazakonta

Koha e përgatitjes: 60 minuta               Kompleksiteti: mesatar

PËRGATITJA:

• 1 pako petë sofliat
• 3 pako buding vanilje
• 700 ml qumësht
• 300 gr sheqer
• 200 gr gjalpë

   Petën e parë e hapim me petës dhe e presim në shirita. Çdo shirit e mbështjellim në kallëp cilindrik dhe i vëmë në tavë. Në enën me vezë hedhim vaj dhe i rrahim me furçë kuzhine. Me vezë të rrahura i lyejmë petët në kallëp. Tavën e vëmë në furrë. Pjekim 20 minuta në temperaturë prej 200 gradë.
   Në tenxhere në zjarr e hedhim pjesën më të madhe të qumështit dhe sheqerin. Në enë me qumështin e mbetur e hedhim pluhurin për buding dhe përziejmë me tel. Duke përzier pandërprerë me tel, në qumështin e valuar në tenxhere e shtojmë budingun e zbutur. Pasi budingu e fiton dendësinë e duhur, e heqim tenxheren nga zjarri. Budingun e ftohur dhe gjalpin i rrahim me mikser.
   Grykat e pjekura i nxjerrim nga kallëpet. Kremin e mbushim në shiringë kuzhine. Me ndihmën e shiringës, i mbushim grykat me krem. Grykat me krem i vëmë në pjatën për servirje. I zbukurojmë me çokollatë të shkrirë.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe em shije të ëmbël. Serviret në temperaturë prej 10 deri në 12 gradë.
   Ju bëftë mirë!!!

Qofte me mushkëri

Koha e pëegatitjes: 40 minuta                  
Kompleksiteti: lehtë

Për 4 persona
PËRGATITJA:

• 500 gr mushkëri lope
• 1 patate e qëruar
• 3 vezë
• 300 gr shampinjona të freskëta
• 1 qepë
• 5-6 lugë bukë e grirë
• 2 lugë erëza të përziera
• majdanoz
• 50 ml konjak
• vaj
• kripë dhe piper i zi

   Mushkërisë ia largojmë cipën dhe e presim në copë shumë të imëta. E grijmë qepën, pataten dhe majdanozin. Në enë të madhe e të thellë e hedhim mushkërinë e grirë, majdanozin, qepën, pataten, dy lugë erëza të përziera, kripë dhe piper i zi. I thyejmë vezët dhe të verdhat i shtojmë në enë. Të bardhat i rrahim me mikser dhe i shtojmë në masën me mushkëri. Në enë shtojmë 1-2 lugë bukë të grirë. Vazhdimisht përziejmë me lugë. Marrim një lugë gjysmë nga masa dhe formojmë qofte. Qoftet i kalojmë në bukë të grirë dhe i skuqim në një masë më të madhe vaji. Qoftet e skuqura i kullojmë mirë dhe i vëmë në pjatë të mbuluar me letër, për t'ua pirë yndyrën.
   Shampinjonat i presim në copë më të mëdha dhe i skuqim në vaj. Hedhim kripë dhe piper të zi. Në tavë e shtojmë konjakun.
   Pjatën për servirje e zbukurojmë me gjethe sallate jeshile. Në pjatë i rendisim qoftet me mushkëri dhe kërpudhat e skuqura. Me feta limoni dhe me një degë majdanozi  e zbukurojmë pjatën.
   Me këtë pjatë rekomandohet vera e thatë e kuqe cilësore e llojit Vranç, me ngjyrë të rubinit të errët dhe të kuq dhe me aromë të kumbullave të thata, manaferrave dhe rrushit të thatë. Serviret në temperaturë prej 16 deri në 18 gradë.
   Ju bëftë mirë!!!

Tortë banana split

Koha e përgatitjes: 70 minuta             Kompleksiteti: mesatar

PËRGATITJA:

• 200 gr miell
• 130 gr çokollatë për gatim
• 750 ml jogurt
• 1 pako gjelatinë
• 2 pako pluhur për krem pana vanilje
• 3 banane
• 600 ml shtalp
• 2 vezë
• 150 gr sheqer
• 200 ml qumësht
• 150 ml vaj
• 1 limon
• 2 pako sheqer vanilje
• 1 pako aditiv për brumë

   Në enën për përzierje e hedhim jogurtin, i thyejmë vezët, i rrahim me mikser dhe në enë shtojmë 150 gr sheqer. Pasi bashkohet masa, e fikim mikserin. E shtrydhim limonin dhe lëngun e limonit e hedhim në enë. 30 gr çokollatë presim në copë dhe i hedhim në enë. Përsëri e rrahim masën me mikser dhe e shtojmë sheqer vaniljen, vajin, miellin dhe aditivin për brumë. Në kallëpin e rrumbullakët shtrojmë letër dhe e derdhim brumin në të. Kallëpin e vëmë në furrë. Pjekim 30 minuta, në temperaturë prej 180 gradë.
   Në enën për përzierje hedhim 1/2 liter shtalp dhe e rrahim me mikser, derisa kremi pana e fiton dendësinë e duhur. Xhelatinën e zbusim me 30 ml ujë dhe e hedhim në enën për përzierje. I rrahim me mikser, derisa bashkohet pana dhe xhelatina.
   Në enë të thellë hedhim 200 ml qumësht dhe pluhurin për krem pana vanilje dhe e rrahim me mikser, derisa kremi pana e fiton dendësinë e duhur. Pastaj, në enë e shtojmë kremin pana me xhelatinën. E rrahim masën me mikser.
   Kremin e vëmë sipër ëmbëlsirës së pjekur në kallëp. I qërojmë bananet dhe i presim në rrathë. Rrathët e bananes i vëmë sipër kremit në kallëp.
   Në tenxhere në zjarr hedhim 100 ml shtalp dhe thyejmë 100 gr çokollatë për gatim. Tenxheren me kremin e çokollatës e heqim nga zjarri. Me lugë, me kremin e çokollatës së ftohur e zbukurojmë tortën banana split. E vëmë tortën në frigorifer.
   Presim një copë tortë dhe e vëmë në pjatë për servirje. Copën e banana split e zbukurojmë me çokollatë të shkrirë.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël. Serviret në temperaturë 10 deri në 12 gradë.
   Ju bëftë mirë!!!

Pana kota

Koha e përgatitjes: 20 minuta                  
Kompleksiteti: lehtë

PËRGATITJA:

• 1 l shtalp
• 12 lugë sheqer
• 2 lugë xhelatinë
• 100 gr luleshtrydha
• 50 l lëng luleshtrydhash

   Në tenxhere në zjarr e hedhim shtalpin dhe dy lugë sheqer. Xhelatinën e sbusim me 50 ml ujë dhe duke përzier pandërprerë e shtojmë në tenxhere me shtalp. Pasi, zien masa e heqim tenxheren nga zjarri. Në tenxhere tjetër në zjarr hedhim 100 ml ujë dhe 4 lugë sheqer. Edhe xhelatinën e mbetur e zbusim me 50 ml ujë dhe e shtojmë në tenxhere, duke përzier pandërprerë me tel. E shtojmë edhe lëngun e luleshtrydhave. Pasi zien xhelatina, e heqim tenxheren nga zjarri.
   Në enën e thellë, e cila do të na shërbejë si kallëp, shtojmë një fletë plastmasi. Në kallëp i vëmë gjysmat e luleshtrydhave. Sipër tyre hedhim nga xhelatina e zbutur. Pastaj, kallëpin e mbushim me shtalpin me xhelatinë. Pana kotën e vëmë në frigorifer.
   Ëmbëlsirën e ftohur dhe të shtrënguar e zbukurojmë me sherbet luleshtrydhash.
Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.
   Serviret në temperaturë prej 10 deri në 12 gradë.
Ju bëftë mirë!!!

Ëmbëlsirë austriake me bukë

Koha e përgatitjes: 30 minuta          
Kompleksiteti: lehtë

PËRGATITJA:

• 1 bukë bajate
• 4 mollë
• 1/2  liter qumësht
• 4 vezë
• 3 lugë sheqer pluhur
• 150 gr rrush i thatë
• 1 pako sheqer vanilje
• 1 lugë kafeje kanellë
• 8 lugë sheqer
• 60 gr gjalpë

   I qërojmë mollët, ua largojmë bishtat dhe farat dhe i presim në rrathë të hollë. Në enë të thellë e hedhim qumështin, sheqerin pluhur, i thyejmë vezët dhe i rrahim me tel kuzhine.
   Bukën e presim në feta, të cilat i kalojmë në masën me qumësht dhe vezë dhe i rendisim në tavë. Sipër fetave të bukës i vëmë rrathët e mollëve dhe rrushin e thatë.
   E përziejmë sheqerin, kanellën dhe sheqer vaniljen dhe i hedhim me lugë sipër bukëve në tavë. Edhe fetat e mbetura të bukës i kalojmë në masën me qumësht me vezë dhe i rendisim në tavë. Mbi çdo fete buke vëmë nga një copë gjalpë. Tavën e vëmë në furrë. Pjekim 20 minuta, në temperaturë prej 200 gradë.
   E presim ëmbëlsirën në copë. Copët e ëmbëlsirës austriake me bukë i vëmë në pjatën për servirje. Sipër hedhim sheqer pluhur.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël. Serviret në temperaturë prej 10 deri në 12 gradë.
   Ju bëftë mirë!!!

Pite me mollë dhe afion

Koha e përgatitjes: 60 minuta          
Kompleksiteti: mesatare

PËRGATITJA:

• 350 gr petë sofliat
• 1 l e 250 ml qumësht
• 50 ml mjaltë
• 1 pako sheqer vanilje
• 1 limon
• 50 gr sheqer
• 100 gr biskota të thërrmuara
• 150 gr afion i grirë
• 70 gr rrush i thatë
• 1 pako kanellë
• 50 ml rum
• 2 mollë
• 1 vezë

   I qërojmë mollët, ua largojmë farat dhe i presim në gjysmërrathë të hollë. Në tenxhere në zjarr e hedhim qumështin, sheqerin, sheqer vaniljen, biskotat e thërrmuara dhe mjaltin. E heqim tenxheren nga zjarri dhe në anën e shpeshtë të rendes, në tenxhere grijmë lëvore limoni. E shtojmë afionin, rumin, rrushin e thatë, kanellën dhe gjysmërrathët e mollës.
   E hapim petën me petës dhe e presim përgjysmë. Në njërën anë të petës hedhim nga masa nga tenxhereja. Në tavën drejtëkëndëshe shtrojmë letër. E thyejmë vezën dhe e rrahim me pirun. Pastaj me vezën e rrahur me furçë kuzhine i lyejmë skajet e petës, të cilën e mbështjellim në formë roleje. Rolenë e vëmë në tavë. Në të njejtën mënyrë e përgatisim edhe rolenë e dytë. Edhe atë e vëmë në tavë. I lyejmë roletë me vezën e rrahur. tavën e vëmë në furrë. Pjekim 30 minuta në temperaturë prej 200 gradë.
   E nxjerrim rolenë nga tava dhe e presim në copë të pjerrëta. Disa copë vëmë në pjatën për servirje. Me kullojsë sipër copëve të rolesë hedhim sheqer pluhur.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe me shije të ëmbël.
   Serviret në temperaturë prej 10 deri në 12 gradë.
Ju bëftë mirë!!!

Luleshtrydha në Polin e Veriut

Koha e përgatitjes: 30 minuta  
Kompleksioteti: lehtë

PËRGATITJA:

• 1/2 kg luleshtrydha
• 1/2  l shtalp
• 2 pako sheqer vanilje
• 6 lugë sheqer
• 4 vezë
• 1/2  l qumësht
• 1 pako xhelatinë
• 200 gr fistikë të qërruar

   I thyejmë vezët dhe i dnajmë të bardhat nga të verdhat. I rrahim të verdhat me tel kuzhine. Në enë e shtojmë sheqerin, sheqer vaniljen dhe qumështin. Pasi bashkohet masa, e vëmë enën mbi avull dhe përziejmë me tel. Pasi kremi e fiton dendësinë e duhur, e heqim enën nga zjarri.

   Xhelatinën e zbusim me 50 ml ujë dhe e shtojmë në enën me krem. Përziejmë me tel dhe në enë i shtojmë fistikët. e lëmë masën të ftohet.
   E rrahim shtalpin me mikser, derisa kremi pana të fitojë dendësinë e duhur. Në enën me krem pana e shtojmë kremin e ftohur me të verdhat e vezës. përziejmë me lugë, derisa të bashkohet masa.
   Kallëpin kuglof e mbulojmë me fletë plastmasi dhe e mbushim me masën nga ena. E lëmë masën të ftohet dhe të shtrëngohet. Ëmbëlsirën e shtrënguar e nxjerrim nga frigoriferi dhe e vëmë në pjatë. Brendinë e ëmbëlsirës e mbushim me dredhëza. Ëmbëlsirën e zbukurojmë me sherbet nga reçeli i luleshtrydhave.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe em shije të ëmbël.

   Serviret në temperaturë prej 10 deri në 12 gradë.
Ju bëftë mirë!

Djathë i shkrirë me pitalka

Koha e përgatitjes: 90 minuta                  
Kompleksiteti: mesatar

Për 4 persona
PËRGATITJA:

• 400 gr djathë feta
• 100 gr shampinjona të marinuara
• 300 gr kaçkavall
• 4 lugë salcë domatesh
• 1 lugë rigon
• 2 filxhanë ujë
• 1 pako tharm i thatë
• 1 lugë sheqer
• 1 vezë
• 1/2 kg miell
• 250 ml ujë me gaz
• 2 lugë susam
• 1/2 filxhan vaj
• kripë dhe piper i zi

   Fillojmë me përgatitjen e pitalkave. Në enë të thellë e hedhim miellin, tharmin e thatë, vajin, sheqerin, hedhim kripë, shjtojmë ujin me gaz dhe e thyejmë vezën. E ngjeshim brumin me dorë dhe e lëmë të vijë.

   Sipër brumit të ardhur hedhim miell dhe e ngjeshim edhe një herë me dorë. Vazhdojmë ta ngjeshim me dy duart në tavëlinën e punës. Pastaj, brumin e ndajmë në 4 pjesë. Hedhim miell sipër çdo cope brumi dhe i ngjeshim, duke formuar topa.
   E lyejmë tavën me vaj dhe i vëmë në të topat e brumit, të cilat i shtypim, për ti hapur. E mbulojmë brumin me leckë dhe e lëmë të vijë edhe një herë.

   Pasi vjen brumi, copët e brumit i lyejmë me ujë dhe u hedhim sipër kripë të trashë dhe susam. Tavën e vëmë në furrë dhe pjekim 15 minuta në temperaturë prej 200 gradë.
   Ndërkohë fillojmë me përgatitjen e djathit të shkrirë. Shampinjonat i presim në copë të imëta. Djathin feta e presim në kube. Në anën e rrallë të rendes e grijmë kaçkavallin.
   Në tigan në zjarr me vaj e hedhim salcën e domates. Shtojmë 2 filxhanë ujë dhe përziejmë me tel kuzhine. E shtojmë rigonin.
   Në tigan tjetër me vaj i skuqim shampinjonat e prera. Në tavën e baltës hedhim vaj dhe e derdhim salcën e domates nga tigani. Pastaj, e vëmë djathin feta. Sipër i hedhim shampinjonat e skuqura dhe kaçkavallin e grirë. Tavën e vëmë në furrë. Pjekim 20 minuta, në temperaturë prej 250 gradë.
   Tavën e baltës e vëmë në pjatë për servirje, në të cilën kemi shtruar kartopeceta. Zbukurojmë me feta domateje dhe me majdanoz.
   Pitalkat i presim përgjysmë dhe i vëmë në kuti druri për bukë.
Me këtë pjatë rekomandohet vera e thatë e bardhë cilësore e llojit të rrushit Rizling, me aromë frutash dhe freski karakteristike dhe me një finish të gjatë dhe të thatë.
   Serviret në temperaturë prej 10 deri në 12 gradë.
Ju bëftë mirë!!!

Kube snikers

Koha e përgatitjes: 30 minuta               Kompleksiteti: lehtë

PËRGATITJA:

• 1/2 kg kikirikë të pjekur të qëruar të grirë
• 2 vezë
• 150 gr sheqer pluhur
• 250 gr gjalpë
• 150 gr biskota të grira
• 150 gr çokollatë për gatim
• 3 lugë mjaltë

   Në enën për përzierje i hedhim kikirikët e grirë, sheqerin pluhur dhe i thyejmë vezët. përziejmë me mikser, me shtojcat për brumë dhe e shtojmë gjalpin. Pastaj, në enë i shtojmë biskotat e grira. Pasi fitojmë një masë homogjene, e fikim mikserin.
   Në enë qelqi shtrojmë fletë plastmasi. Pastaj, në enë e vëmë masën për snikers. E rrafshojmë sipërfaqen. Masën e mbyllim me pjesët anësore të fletës së plastmasit dhe e lëmë të ftohet.
   E shkrijmë çokollatën dhe e përziejmë me pak vaj. Pjesën e sipërme të masës snikers e lyejmë me mjaltë. Sipër e hedhim çokollatën. Tërë sipërfaqen e sipërme e lyejmë me çokollatë. Ëmbëlsirën e presim në kube. Mbi çdo kub vëmë nga një kikirikë të pjekur. Kubet snikers i vëmë në pjatën për servirje.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe em shije të ëmbël.
   Serviret në temperaturë prej 10 deri në 12 gradë.
Ju bëftë mirë!

Role Vjene

Koha e përgatitjes: 30 minuta          
Kompleksiteti: lehtë

PËRGATITJA:
Për pandispanjë

• 5 vezë
• 100 gr sheqer
• 100 gr lajthi të grira

Për krem

• 320 gr sheqer pluhur
• 310 gr gjalpë
• 2 pako sheqer vanilje
• 50 gr çokollatë për gatim

   Fillojmë me përgatitjen e pandispanjës. I thyejmë vezët dhe i ndajmë të bardhat nga të verdhat. Të verdhat i hedhim në enën për përzierje, e shtojmë sheqerin dhe i rrahim me mikser, derisa të shkrihet sheqeri. Pastaj, me mikser i rrahim të bardhat. Në enën me të bardhat e rrahura i shtojmë të verdhat e rrahura. Në enë i shtojmë lajthitë e grira. Përziejmë me lugë, derisa të bashkohet masa.
   Në tavë shtojmë letër dhe e derdhim brumin në të. Tavën e vëmë në furrë. Pjekim 10 minuta, në temperaturë prej 200 gradë.
   Ndërkohë e përgatisim kremin. Në enën për përzierje e hedhim gjalpin, sheqerin pluhur dhe sheqer vaniljen. e rrahim me mikser, derisa gjalpi fillon të shkumëzohet. Në anën e rrallë të rendes, në enë e grijmë çokollatën për gatim. Përziejmë me lugë, derisa të bashkohet kremi.
   Sipër pandispanjës vëmë nga kremi. Me ndihmën e letrës, e paltojmë në formë roleje. Rolenë e lyejmë me krem. E presim rolenë në copë të pjerrëta. Tri copë role vjene vëmë në pjatën për servirje. Zbukurojmë me çokollatë të shkrirë.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe em shije të ëmbël.

  Serviret në temperaturë prej 10 deri në 12 gradë.
Ju bëftë mirë!

Omëleta Bledi

Koha e përgatitjes: 50 minuta        
Kompleksiteti: mesatare

PËRGATITJA:

• 4 vezë
• 7 lugë miell
• 4 lugë sheqer
• 1/2 pako aditiv për brumë
• 150 gr sheqer
• 70 gr niseshte
• 300 ml shtalp
• 1/2  l qumësht
• 1 pako sheqer vanilje
• 150 gr marmelatë kajsie

   Fillojmë me përgatitjen e brumit. Në enën për përzierje i thyejmë vezët, e shtojmë sheqerin dhe i rrahim me mikser, derisa të shkrihet sheqeri. Vazhdojmë të përziejmë me lugë dhe në enë e shtojmë miellin dhe aditivin për brumë. Brumin e vëmë në shiringë kuzhine. Në tavë shtrojmë letër dhe me shiringë në të i krijojmë omëletat në formë të rrathëve koncentrik. Tavën e vëmë në furrë. Pjekim 20 minuta, në temperaturë prej 200 gradë.
   Ndërkohë e përgatisim kremin. Në tenxhere në zjarr e hedhim pjesën më të madhe të qumështit, e shtojmë sheqerin dhe sheqer vaniljen dhe përziejmë me tel.
   Në qumështin e mbetur e shtojmë niseshten dhe përziejmë me tel kuzhine. Duke përzier pandërprerë me tel, në qumështin e valuar e shtojmë niseshten e zbutur. Pasi kremi e fiton dendësinë e duhur, e heqim tenxheren nga zjarri. E lëmë kremin të ftohet.
   E rrahim shtalpin me mikser, derisa kremi pana të fitojë dendësinë e duhur. Pastaj me mikser e rrahim ehde rkemin e ftohur dhe e shtojmë kremin pana. Përziejmë me lugë, derisa të bashkohet kremi.
   Çdo omëletë e lyejmë me marmelatë kajsie. Kremin e vëmë në shiringë kuzhine dhe me të vëmë krem sipër çdo omëlete. Pastaj, i paltojmë përgjysmë, duke i ngjitur për kremin. Tre omëleta liqeni vëmë në pjatën për servirje. Me nga një fetë portokalli e zbukurojmë çdo omëletë liqeni.
  Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të frutave dhe em shije të ëmbël.
  Serviret në temperaturë prej 10 deri në 12 gradë.
Ju bëftë mirë!

Panxhari përtërin organet

Dikur kishte shërbyer si ilaç, për shërimin e malaries, ndërsa në ditët e sotme është aleat për rregullimin e shtypjes së gjakut dhe pagjaksisë, përderisa në mënyrë të shkëlqyeshme ndikon në nerva dhe në punën e lukthit dhe të zorrëve.

 Që nga kohërat e lashta panxhari ishte përdorur si ilaç. Dikur kishte shërbyer si ilaç për shërimin e malaries, ndërsa në ditët e sotme është aleat për rregullimin e shtypjes së gjakut dhe pagjaksisë, përderisa në mënyrë të shkëlqyeshme ndikon në nerva dhe në punën e lukthit dhe të zorrëve. Po ashtu panxhari është i pasur edhe me vitamina B12. Vitamina B12 gjendet vetëm në prodhimet me prejardhje nga kafshët, përderisa në perime pothuajse nuk mund të gjendet. Kjo vitaminë është me rëndësi të veçantë, ngase merr pjesë në formimin e eritrociteve në gjak.
   Panxhari përmban edhe jod i cili është mjaft i dobishëm në luftën kundër arterosklerozës, si dhe ngadalëson procesin e plakjes, prandaj edhe u sugjerohet personave të moshuar. Po ashtu përmban edhe acide, të cilat janë shumë të dobishme në parandalimin e infeksioneve të ndryshme.

Shnicla vjene me susam

Koha e përgatitjes: 30 minuta          
Kompleksiteti: lehtë

Për 4 perosna
PËRGATITJA:

• 4 shnicla viçi prej 180 gr
• 3 vezë
• 100 gr susam
• 2 kastraveca turshi
• 100 gr majonezë
• 75 gr bukë e grirë
• 2 lugë miell
• vaj
• kripë dhe piper i zi

   I rrahim vezët me tel kuzhine dhe i kriposim. Susamin e shtojmë në enën me bukën e grirë. I rrahim shniclat me çekiç, druri, i kripim, i kalojmë në miell, në vezë dhe në bukë të grirë dhe susam. Shniclat e përgatitura në këtë mënyrë i skuqim në një sasi më të madhe vaji. Shniclat e gatshme i vëmë në pjatë të mbuluar me letër, për t'ua mpirë yndyrën. Pjatën për servirje e zbukurojmë me gjethe lëpjete. në pjatë i vëmë shniclat vjeneze me susam. Qoftet nga orizi me bizelen e zier i vëmë në pjatë. Zbukurojmë me feta domatesh, të cilat i vëmë mes bizeles dhe orizit. Fillojmë me përgatitjen e slacës tartar. E grijmë kastravecin turshi dhe e përziejmë me majonezë dhe me pakë verë të bardhë. Salcën tratar e servirim në dy skajet e pjatës. Zbukurimin e përfundojmë me një limon të prerë në formë të lules dhe me degë majdanoz.
   Me këtë pjatë rekomandohet vera e thatë e kuqe cilësore e llojit Caberne Sauvignon, me ngjyrë të purpurt e të kuqe, em aromë diskrete frutash dhe erërave të vishnjës, mjedrës dhe rrushit të thatë. Serviret në temperaturë prej 16 deri në 18 gradë.
   Ju bëftë mirë!

Ëmbëlsirë fqinji

Koha e përgatitjes: 40 minuta      
Kompleksiteti: lehtë

PËRGATITJA:

• 125 gr kokos
• 50 gr çokollatë
• 225 gr biskota
• 75 gr gjalpë
• 1 vezë
• 1 pako sheqer vanilje
• 170 ml qumësht
• 2 pako sheqer pluhur
• 1/2 pako tharm

   Çokollatën e thyejmë në copë në tenxheren me gjalpin e shkrirë. Pasi shkrihet çokollata, tenxherene  largojmë nga zjarri dhe vazhdojmë të përziejmë me lugë.
   Biskotat e thërrmuara i vëmë në një enë të madhe e të thellë, në të cilën e shtojmë gjalpin me çokollatë dhe përziejmë. E shtojmë ehde qumështin dhe përziejmë me lugë, derisa të fitojmë një masë homogjene.
   Kallëpin e lyejmë me gjalpë dhe në të e hedhim brumin për ëmbëlsirë. Në enën për përzierje e thyejmë vezën, e shtojmë sheqerin pluhur dhe sheqer vaniljen.
   I rrahim me mikser, derisa të shkrihet sheqeri. Përziejmë me lugë dhe në enë e shtojmë qumështin e mbetur, tharmin, kokosin dhe miellin. Edhe këtë brumë e shtojmë në kallëp.
   Kallëpin e vëmë në furrë dhe pjekim 20 minuta, në temperaturë prej 170 gradë. Ëmbëlsirën e pjekur e presim në copë. Një copë ëmbëlsire fqinji e vëmë në pjatën për servirje.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe me shije të ëmbël. Serviret në temperaturë prej 10 deri në 12 gradë.

Pjatë e mençur

Koha e përgatitjes: 40 minuta      
Kompleksiteti: lehtë

Për 4 persona:
PËRGATITJA:

• 500 gr tru lope apo viçi
• 2 lugë shtalpë
• 2 vezë
• 5 thelpinj hudhër
• kokrra piper i zi
• 2 lugë miell
• 1/2 lugë kafeje erëza të përziera
• vaj
• kripë dhe piper i zi

   Në tenxhere me ujë e vëmë trurin e pastruar. në të hedhim kripë, kokrra piperi të zi, lëngun e një gjysmë limoni dhe 4 thelpinj hudhre. tenxheren e mbulojmë me kapak dhe e lëmë trurin të kaurdiset.
   Ndërkohë, i thyejmë vezët në një enë të thellë. Shtojmë gjysmë luge kafeje erëza të përziera, pak qumësht, një thelb hudhre të grirë dhe të gjitha i rrahim me pirun. Në enën me vezët shtojmë edhe dy lugë miell dhe tani përziejmë me telin e kuzhinës. Shtojmë edhe dy lugë shtalpë dhe vazhdojmë të përziejmë.
   Trurin e kaurdisur e kullojmë dhe e presim në copë. mbi copët e trurit hedhim kripë dhe piper të zi. Copët e trurit i vëmë në enë me vezët e rrahura. Pasi e kalojmë çdo copë në këtë masë, e vëmë në tiganin për skuqje.
   Copët e skuqura i nxjerrim nga tigani dhe i vëmë në pjatën për servirje, të cilën e kemi zbukuruar me feta limoni dhe feta domatesh.
   Me këtë pjatë rekomandohet vera e thatë e bardhë cilësore e llojit Traminer me ngjyrë të artë të verdheme dhe erë të theksuar muskati nga përzierja e luleve, erëzave dhe fruteve. Serviret në temperaturë prej 10 deri në 12 gradë.
   Ju bëftë mirë!

Role luleshtrydhe

Koha e përgatitjes: 30 minuta                
Kompleksiteti: lehtë

PËRGATITJA:

• 500 gr biskota
• 50 gr margarinë
• 300 gr sheqer pluhur
• 300 ml qumësht
• 200 gr kokos
• 3 lugë kakao
• 250 gr sheqer pluhur
• ekstrakt luleshtrydhe

   Biskotat e thërrmuara i vëmë në enën për përzierje, shtojmë 300 gr sheqer pluhur dhe kakao dhe përziejmë me mikser. Pa e ndërprerë përzierjen, në enë e shtojmë qumështin. Përziejmë, derisa të fitojmë një masë homogjene.
   Në tavolinën e punës vëmë një fletë plastmasi. Mbi të e vëmë masën nga ena për përzierje. Masën e rrafshojmë dhe e mbyllim me fletën e plastmasit dhe me petës, e rrafshojmë mirë. Pastaj, ia largojmë fletën e plastmasit.
   Në enën për përzierje e vëmë margarinën. Shtojmë 250 gr sheqer pluhur dhe kokos dhe përziejmë me mikser. Pastaj, në enë e shtojmë ekstraktin e luleshtrydhave. Përziejmë me mikser derisa të fitojmë një masë homogjene. Këtë krem e shtojmë mbi kremin e mëparshëm dhe e përhapim mbi tërë sipërfaqen. Me ndihmën e fletës së plastmasit krijojmë role, të cilën e vëmë në ngrirje, që të forcohet. pastaj rolenë e nxjerrim nga ngrirja dhe ia largojmë fletën e plastmasit, e presim në copë të cilat i rendisim shkallë-shkallë në pjatën për servirje.
   Me këtë ëmbëlsirë rekomandohet vera e thatë e bardhë cilësore e llojit të rrushit Shardone, me aromë të fruteve dhe me shije të ëmbël. Serviret në temperaturë prej 10 deri në 12 gradë.

Tortë e kuqe

PËRGATITJA:                                                      

Për tortën:

• 1/2 gotë margarinë
• 1 gotë e gjysmë sheqer
• 2 vezë
• 2 lugë gjelle kakao
• 4 lugë gjelle me ngjyrë të kuqe për ushqim
• 1 lugë qaji me kripë
• 1 lugë qaji me ekstrakt vanilje
• 1 gotë dhallë
• 2  1/2 gotë me miell
• 1 1/2 lugë qaji me sodë buke
• 1 lugë gjelle me uthull të bardhë të destiluar

Për krem:

• 5 lugë gjelle me miell
• 1 gotë qumësht
• 1 gotë sheqer
• 1 gotë me gjalpë, në temperaturë dhome
• 1 lugë qaji ekstrakt vanilje

   E nxejmë furrën në 175 gradë. I përgatisim dy tepsi të vogla me diamter rreth 22 cm. Në një enë e shtojmë 1/2 gotë margarinë(apo ndonjë gjalpë tjetër) dhe 1 gotë e gjysmë sheqer dhe i rrahim me mikser. Pastaj shtojmë dy vezë dhe i rrahim mirë me mikser.
   Në një enë tjetër bëjmë një përzierje me kakao dhe me ngjyrën e kuqe për ushqim dhe i rrahim me tel kuzhine. e shtojmë te përzierja e mëprashme që është bërë si krem dhe përziejmë me mikser. Në një gotë të madhe e përziejmë kripën, 1 lugë qaji me ekstrakt vanilje dhe dhallën sëbashku. e shtojmë miellin tek përzierja e parë përziejmë dhe gjatë përzierjes e shtojmë përzierjen me dhallë. Përsëri miell dhe dhallë dhe përziejmë derisa të bashkohet masa. në një enë të vogël e përziejmë shpejtë uthullën me sodën e bukës  dhe e shtojmë menjëherë tek përzierja. Përziejmë me lugë. E shtojmë përzierjen në dy tepsitë e vogla. Pjekim rreth 30 minuta në temperaturë 175 gradë. Pas pjekjes e lëmë të ftohet plotësisht.
   Fillojmë me përgatitjen e kremit: në një enë të vogël në temperaturë të ulët shtojmë një gotë qumësht dhe 5 lugë miell, përziejmë gjatë gjithë kohës me tel kuzhine derisa të bashkohet masa. E lëmë të ftohet. Gjatë kohës sa ftohet përzierja. në një enë shtojmë 1 gotë sheqer, gjalpë dhe dhe një lugë qaji ekstrakt vanilje dhe përziejmë. e shtojmë përzierjen e ftohur me miell dhe e rrahim derisa të përhapet mirë.
  Me tortëne  pjekur e të ftohur dhe me kremin krijojmë shtresa dhe e lyejmë tortën nga të gjitha anët.
Ju bëftë mirë.

Tortë me shtalpë

PËRGATITJA:                                        

• 1 gotë e gjysmë miell
• 1 gotë e gjysmë sheqer
• 1/2 gotë gjalpë
• 1/2 gotë shtalpë
• 3 eggs
• Pak sodë buke

   E nxejmë furrën deri në 190 gradë. E lyejmë me vaj dhe shtojmë pak miell në enë me madhësi 10 x 20 cm.
Në një enë të madhe shtojmë kremin, sheqerin dhe gjalpin. E shtojmë shtalpin dhe vezët. E shtojmë miellin dhe sodën e bukës dhe përziejmë mirë. E vendosim përzierjen në enët me madhësi 10x20 cm. Pjekim në temperaturë prej 190 gradë rreth një orë. Derisa masa të bëhet e fortë. Si provë se a është pjekur mirë e marrim një kruarse dhëmbësh dhe e shpojmë tortën kur e terheqim kruarsen e dhëmbëve ajo duhet të jetë e pastër.
Ju bëftë mirë!!!

Ena që përdoret për pjekje:

Tokanj qengji me pilaf në mënyrë turke

Koha e përgatitjes: 150 minuta          
Kompleksiteti: mesatare

Për 4 persona
PËRGATITJA:

• 1.5 kg kofshë qengji
• 200 gr mushkëri qengji
• 500 gr oriz
• 2 domate
• 1 kokë qepë
• 150 gr gjalpë
• 50 gr fistikë të qëruar
• 50 gr rrush i thatë
• 2 lugë salcë domatesh
• 2 kube supë të gatshme
• pak sheqer
• 1/2 lugë kafeje kanellë
• kripë dhe piper i zi

   Orizin e vëmë në kullojsë dhe e shpërlajmë me ujë të ftohtë. Orizin e kulluar e vëmë në enë të thellë, në të cilën hedhim ujë të valuar. Hedhim ujë aq sa për ta mbuluar orizin. E lëmë orizin të fryhet 2.5 orë. Kofshës së qengjit ia largojmë kockat, të cilat i ziejmë në tenxhere me ujë të valuar. I shtojmë kubet e supës. Mishin e presim në copë dhe e skuqim në gjalpë. Shtojmë nga supa, hedhim kripë dhe piper të zi, e mbyllim me kapak dhe e kaurdisim mishin rreth 1.5 orë. në tenxhere tjetër në zjarr hedhim gjalpë dhe në të e skuqim qepën e grirë. Pasi zbutet qepa e shtojmë mushkërinë e prerë në kube. I shtojmë fistikët dhe rrushin e thatë. I qërojmë domatet, ua shtrydhim lëngun, i shtypim me pirun dhe i shtojmë në tenxhere. Hedhim kanellë dhe pak sheqer. Shtojmë nga supa dhe salcën e domates.
   Orizin e fryrë e kullojmë në kullojsë dhe e shtojmë në tenxhere. hedhim kripë dhe grijmë piper të zi. Tenxheren me mushkëri e heqim nga zjarri dhe përmbajtjen e derdhim në tavë qeramike. Tavën e vëmë në furrë. Pjekim 30 minuta, në temperaturë prej 220 gradë.
   Në mesin e pjatës për servirje vëmë nga përmbajtja me oriz. Nga të gjitha anët e orizit vëmë copë të mishit të qengjit. Zbukurojmë me degë majdanozi france dhe me fet domatesh.
   Me këtë pjatë rekomandohet vera e thatë e kuqe cilësore e llojit Vranç, me ngjyrë të rubinit të errët dhe të kuq dhe me aromë të kumbullave të thata, manaferrave dhe rrushit të thatë. Serviret në temperaturë prej 16 deri në 18 gradë.
   Ju bëftë mirë!!!

Tortë me çokollatë

PËRGATITJA:                                                

• 2 gota sheqer
• 1  3/4 gota miell
• 3/4 gotë pluhur kakao jo të ëmbël
• 1  1/2 lugë qaji me pluhur për pjekje
• 1  1/2 lugë qaji me sodë buke
• 1 lugë qaji me kripë
• 2 vezë
• 1 gotë qumësht
• 1/2 gotë me vaj perimesh
• 2 lugë qaji me ekstrakt vanilje
• 1 gotë ujë të valuar

   E nxejmë furren në 175 gradë. I lyejmë me yndyrë dhe vendosim pak miell në dy tepsi me diameter afersisht 25 cm.
   Në një enë të madhe, përziejmë së bashku sheqerin, miellin, kakaon pluhur, pluhurin për pjekje, sodën e bukës dhe kripën. Shtojmë vezët, qumështin, ekstraktin e vaniljes. Përziejmë 2 minuta me mikser me shpejtësi mesatare. Së fundi i përziejmë në ujin e valuar. Përzierja bëhet e hollë. I vendosim në mënyrë të barabartë në dy tepsitë e përgatitura.
   Pjekim rreth 30 - 35 minuta në furrën tashmë të nxehur. Pas pjekjes e testojmë torten me kruarsen e dhëmbëve. e lëmë të ftohet rreth 10 minuta. E largojmë dhe e vendosim në një enë më të gjerë që të ftohet plotësisht. Pastaj e lyejmë njërën nga sipër me kremin e preferuar dhe vendosim pjesën tjetër të tortës sipër saj. E lyejmë tërë tortën me kremin e preferuar.

Ananas Conde

Për 4 - 5 persona                                                              
PËRGATITJA:

• 1 ananas ose konservë e kompostos prej ananasit
• 50 gr gjalpë
• 2 të verdha të vesë
• 200 gr oriz
• 150 gr sheqer
• 1 qese vanilje
• 3/4  l qumësht
• 1 gotë të vogël liker pemësh
• shumë pak kripë
• 100 gr rrush të tharë
• pak rum
• qershi të sheqerosura për zbukurim

   Në lëng të ananasit qitet pak rum dhe në të ngjuhen kokrrat e rrushit të tharë. Ananasi grimcohet disa copa më të mira lihen për zbukurim. Pastaj në ujë valë qitet orizi për të zier nja 5 minuta, kullohet mirë dhe sërish, pasi të jetë hedhur qumështi, lihet të ziejë ngadalë në zjarr dhe për gjysmë ore, në mënyrë që orizi të thithë tërë qumështin. Kur të fillojë të zihet - qitet sheqeri, vanilja dhe likeri.
   Orizi i zier hiqet nga zjarri, qitet gjalpi, të verdhat e vezëve, rrushi i tharë dhe ananasi. Tërë kjo masë përzihet mirë dhe qitet në kallëp e pastaj futet në frigorifer që të ngurtësohet. Para se të serviret, hiqet nga kallëpi dhe zbukurohet.

Reçel qershie

PËRGATITJA:                                      

• Qershi
• Limona ose limontozë
• Sheqer

Reçeli prej qershive mund të përgatitet njësoj si reçeli prej vishnjeve, por ashtu që në të shtohet një copë vanilje dhe kur të zihet pak, qiten dy limonë të prerë në rrathë. Ose: në një kilogram qershi tretet një kilogram sheqer, pastaj qershitë lëshohen në sheqer të tretur, shtohet cipa e vaniljes dhe dy limonë të prerë në rrathë. Po qe se mungojnë limonët, atëherë mund të qitet gjysmë luge limontoz.

Lakror

Koha e përgatitjes: 90 minuta            
Kompleksiteti: lehtë

Për 4 persona
PËRGATITJA;

• 1/2 kg petë të gatshme
• 1 kokë lakër turshi
• djathë
• 150 gr oriz i zier
• vaj
• kripë dhe piper i zi

   Lakrës ia heqim koçanin dhe e presim në copë të imëta. Në tiganin në zjarr hedhim vaj dhe në të e skuqim lakrën e prerë. Grijmë piper të zi, përziejmë me lugë dhe e skuqim derisa të zbutet lakra. tiganin e heqim nga zjarri dhe në të e shtojmë orizin e zier dhe të ftohur.
   Në tavën e rrumbullakët hedhim vaj dhe me furçë kuzhine e lyejmë tërë brendinë e tavës. Në tavë vëmë 3 petë, duke i lënë skajet jashtë tavës. Sipër petëvem vëmë nga përmbajtja me oriz dhe lakër. Në tavë vëmë tri petë të tjera të tutëlluara. Edhe sipër tyre vëmë nga përmbajtja. E përsërisim të njejtën gjë me të gjitha petët dhe përmbajtjen nga tigani. Renditja e pites duhet të përfundojë me petë. Skajet e tri petëve të para i kthejmë nga brendia e tavës. Petën e presim në tri copë.
   Në enë me 100 ml ujë shtojmë 150 ml vaj. Përziejmë me lugë dhe këtë përzierje e hedhim sipër pites në tavë. E shkundim tavën që uji dhe vaji të përhapen në të gjitha anët e pites. Tavën e vëmë në furrë. Pjekim 40 minuta, në temperaturë prej 200 gradë.
   Copët e lakrorit i nxjerrim nga tava dhe i vëmë në pjatën për servirje. Zbukurojmë me 8 speca të vegjël djegës. Sipër çdo cope lakrori vëmë nga një copë djath.
   Me këtë pjatë rekomandohet vera e thatë e bardhë cilësore e llojit të rrushit Rizling.me aromë frutash dhe freski karakteristike dhe me një finish të gjatë dhe të thatë. Serviret në temperaturë prej 10 deri në 12 gradë.
Ju bëftë mirë!!!

Sallatë verore

Koha e përgatitjes: 10 minuta       

Kompleksiteti: lehtë

PËRGATITJA:

Për 500 gr domate e kastraveca duhen:

• 200 gr speca
• 4-5 lugë gjelle vaj
• 2 lugë gjelle uthull
• 2 kokrra qepë
• 2-3 fije majdanoz
• kripë

   Në një pjatë vendosen kastraveca, domate të prera në formë rrethi dhe speca jeshilë të grirë në formë fijesh. Sallata spërkatet me vaj, uthull, kripë, përzihet lehtë dhe vendoset në pjatë. Sipër i hidhen qepë të grira hollë të përziera me majdanoz.

Sallatë me fasule të thata

Kompleksiteti: lehtë                              

PËRGATITJA:
Për 1 filxhan fasule duhen:

• 3-4 lugë vaj
• 2 lugë uthull
• 2 kokrra qepë mestare
• majdanoz
• kripë
• piper i kuq

   Fasulet e pastruara lahen dhe vihen të ziejnë. Pas 10 - 15 minutash vlimi u kullohet uji dhe shtohet ujë tjetër i vluar. Lihe të ziejë derisa kokrrat të zbuten plotësisht, por jo të treten. Në fund të zierjes shtohet kripë, lihen të ftohen në ujin e vet, kullohen dhe vendosen në pjatë, u hidhet qepë e grirë e hollë e përzier me majdanoz, vaj, kripë, uthull e piper të kuq.
 Ju bëftë mirë!!!

Pasta me ragu qengji

Koha e përgatitjes: 50 minuta            Kompleksiteti: lehtë


Për 4 persona
PËRGATITJA:

• 700 gr shpatull qengji
• 300 gr pasta
• 1 lugë salcë domatesh
• 1 kub supë e gatshme pule
• 2 thelpinj hudhër
• 1/2 lugë piper i bardhë i grirë
• 1 degë rozmarine e freskët
• vaj
• kripë dhe piper i zi

 Shpatullës së qengjit ja largojmë kockat dhe mishin e presim në copë më të mëdha. Hedhim mbi të kripë dhe piper të zi dhe përziejmë, për t'i mpirë erëzat. Në vajin e nxehtë në tenxhere i skuqim copët e mishit. Rozmarinën e presim në copë të imëta. I grijmë thelpinjtë e hudhrës. Pasi skuqet mishi, në tenxhere e shtojmë hudhrën e grirë dhe rozmarinën. Hedhim piper të bardhë të grirë.
  Në tenxheren tjetër në zjarr me ujë e vëmë kubin e supës së gatshme. salcën edomates e shtojmë në tenxheren me supë të gatshme. Salcëne domates e shtojmë në tenxheren me supë dhe përziejmë me tel. Në tenxherenh e tretë në zjarr me ujë të valuar hedhim kripë dhe i ziejmë pastat. Supën e derdhim në tenxheren me mish. E mbulojmë me kapak dhe e lëmë mishin të ziejë për 30 minuta.
 Në pjatën për servirje i vëmë pjatat. Me garuzhdë sipër vëmë ragu qengji. Zbukurojmë me degë rozmarine.
Me këtë pjatë rekomadohet vera e thatë e kuqe cilësore e llojit Vranç, me ngjyrë të rubinit të errët dhe të kuq dhe me aromë të kumbullave të thata, manaferrave dhe rrushit të thatë. Serviret në temperaturë 16 deri në 18 gradë.
 Ju bëftë mirë!!!

Sallatë kalifornie

Koha e përgatitjes: 30 minuta   Kompleksiteti: mesatare


Për 4 persona

PËRGATITJA:

• 250 gr gjoks pule
• 50 gr bajame
• 200 ml shtalpë
• 1 lugë majonezë
• 2 patate të ziera
• 1/2 lugë kafeje borzilok
• 1/2 lugë kafeje piper i bardhë i grirë
• 1/2 lugë rigon
• 1 lugë rrikë e grirë
• 1 lugë keçap
• 1 lugë mustardë
• 1 lugë uthull
• 1 limon
• 1 mollë
• kripë dhe piper i zi

  Bajamet i presim në copë dhe i pjekim në tiganin në zjarr. gjokset e pulës i presim në shnicla, hedhim mbi to kripë dhe i skuqim në tigan. Në anën e rrallë të rendes në një enë të thellë i grijmë patatet. E qërojmë mollën dhe ia largojmë farat. Në anën e shpeshtë të rendes, në enën me patate i grijmë copët e mollës. E shtrydhim limonin dhe lëngun e hedhim në enën me patate dhe me mollë. I shtojmë copët e bajameve. pastaj, mishin e presim në kube dhe e shtojmë shtalpën, rigonin, piperin e bardhë të grirë, mustardën, rrikën e grirë dhe keçapin. Në enën me majonezë e shtojmë një lugë uthull dhe lëngun e limonit të mbetur. Edhe këtë masë e shtojmë në enën e thellë. E shtojmë borzilokun dhe përziejmë me lugë.
  Pjatë për servirje e zbukurojmë me gjethe sallate jeshile. Në pjatë e vëmë sallatën e kalifornisë. Karotën e presim në fije shumë të holla, të cilat i vëmë në mes të sallatës. Edhe lëvozhgën e limonit e presim në shirita të holla. Pastaj limonin e presim në rrathë të hollë. Rrathët e limonit i vëmë sipër sallatës jeshile. Me disa kokrra ullinjsh e përfundojmë zbukurimin.
 Me kiëtë pjatë rekomandohet vera e thatë e bardhë cilësore e llojit Traminer. Ju bëftë mirë.

Spageti me midhje

Koha e përgatitjes: 40 minuta         Kompleksiteti: lehtë


PËRGATITJA:

• 1/2 kg spageti
• 1/2 kg midhje
• 1 kokë qepë
• 3 thelpinj hudhër
• 1/2 lugë borzilok
• 1/2 lugë rigon
• 1 lugë erëza të përziera
• 100 ml lëng domatesh
• 200 ml verë e bardhë
• vaj
• kripë dhe piper i zi

 E grijmë qepën dhye e skuqim në tiganin me vaj. Pasi zbutet qepa, në tigan e shtojmë hudhrën e grirë dhe midhjet. Hedhim kripë, piper të zi, një lugë erëza të përziera, rigon dhe borzilok. Në tigan e hedhim verën e bardhë dhe lëngun e domates. Disa gjethe spinaqi i presim në copë të imëta dhe i shtojmë në tigan. pasi avullon lëngu, tiganin e heqim nga zjarri.
 Në tenxheren me ujë të valuar dhe kripë i ziejmë spagetit. Spagetit e ziera i derdhim në kullojsë dhe i shpëlajmë me ujë të ftohtë.
 Në pjatë të thellë i vëmë spagetit e kulluara. Sipër spagetave e vëmë përmbajtjen me midhje nga tigani. Zbukurojmë me 3 gjethe lakre jeshile dhe 3 sheri domate.
 Me këtë pjatë rekomandohet vera e thatë e bardhë cilësore e llojit të rrushit Muscat Frontignan, me nuanca të gjelbra e të verdha. Është e pasur me aromat e luleve të muskatit, trëndafilit dhe mandarinave. Ka një shije mirë të balancuar dhe diskrete e cila qëndron për një kohë të gjatë. Serviret në temperaturë prej 10 deri në 12 gradë.

Ju bëftë mirë!!!

Tortë prej dredhëzave

Për 4 - 5 persona duhen:        

• 3 vezë
• 5 lugë sheqer
• 10 lugë miell
• pak tharm
• 150 gr arra të bluara

   Rrihen veçmas 3 të bardhat e vezëve dhe 3 të verdhat, e kur dyjat janë gati, përzihen me sheqer, miell, pak tharm dhe arra të bluara.
   Ky brumë piqet në tepsi të lyer me yndyrë, e kur të ftohet, në anën e sipërme hidhet krem i rrahur dhe rendohen dredhëzat e freskëta e të pastruara mirë.

Patate të ziera me gjalpë

Për 4 - 5 persona duhen:                    

• patate 1.5 kg
• gjalpë 2 lugë gjelle
• kripë 
• erëza

  Patatet, posaçrisht e rejat, qërohen, shpërlahen, priten në copa të mëdha në madhësi të njejtë dhe hidhen në tenxhere me ujë të vluar me kripë. Sasia e ujit duhet të jetë aq sa ato të mbulohen. Zierja bëhet në zjarr të ngadaltë për 25-30 minuta.
  Kur patatet të jenë zbutur, u derdhet uji, ndërsa ena, përsëri e mbuluar me kapak, mbahet mbi zjarr edhe 5 - 6 minuta, në mënyrë që patatet të thahen pak dhe të zbuten në brendësi pa u thërmuar.
   Patatet e nxehta vendosen në pjatë dhe sipër u hidhet gjalpë e shkrirë e majdanoz. Patatet e ziera mund të jepen të veçanta ose si garniturë për gjellët me mish, peshk etj. Këto lloj patatesh mund të bëhen me qepë e domate të skuqura të cilat hidhen përsipër, në këtë rast mund të përdoret edhe vaj.

Kifle

Për 4 - 5 persona duhen:  

• 300 gr karrota
• 350 gr yndyrë
• 600 gr miell
• pekmez

   Grihen në rende karotat(në dhëmbët më të imët) dhe gatuhen bashkë me yndyrë dhe miell. Prej këtij brumi tëhollohet peta e trashë sa gishti, pritet në copa trekëndëshe, mbushen me pekmez, mbështillen dhe piqen.

   Ëmbëlsirat e pjekura përmiellen me sheqer pluhur.

Tortë karamele

Për 4 - 5 persona duhen:      

• 8 vezë
• 250 gr sheqer
• 100 gr arra të bluara
• 3 lugë trosha të bukës
• 5 lugë miell

Për krem

• 350 gr sheqer
• 1/2 litër qumësht
• 1 copë vanilje
• 6 lugë miell
• pak qumësht të ftohtë
• 250 gr gjalpë

   Rrihen mirë të verdhat e vezëve dhe sheqeri, në të shtohen arra të bluara, troshat e bukës, mielli dhe në fund shkuma e fortë prej të bardhave të vezëve. Masa piqet në kallëpin e lyer me yndyrë dhe miell. Torta e ftohur pritet përgjysmë dhe mbushet me krem. Kremi: sheqeri digjet mirë derisa të marrë ngjyrën e arit.
   Në enë të posaçme vlohet gjysëm litri qumësht bashkë me një copë vanilje dhe lihet të ftohet. Masa e hollë përgatitet prej 6 lugë miell, përzihet dhe tundet me pak qumësht të ftohtë, pastaj kjo zbrazet në qumësht të ftohur dhe në fund shtohet sheqeri i djegur.
  Kremi zihet derisa të mos trashet. Kur kremi ftohet në të vendoset gjalpi i rrahur, e me këtë mbushet torta dhe lyhet nga jashtë.

FACEBOOK: https://www.facebook.com/pages/K%C3%ABnaq%C3%ABsia-e-Gatimit/362409420501190?fref=ts