Tortë me çokollatë

PËRGATITJA:                                                

• 2 gota sheqer
• 1  3/4 gota miell
• 3/4 gotë pluhur kakao jo të ëmbël
• 1  1/2 lugë qaji me pluhur për pjekje
• 1  1/2 lugë qaji me sodë buke
• 1 lugë qaji me kripë
• 2 vezë
• 1 gotë qumësht
• 1/2 gotë me vaj perimesh
• 2 lugë qaji me ekstrakt vanilje
• 1 gotë ujë të valuar

   E nxejmë furren në 175 gradë. I lyejmë me yndyrë dhe vendosim pak miell në dy tepsi me diameter afersisht 25 cm.
   Në një enë të madhe, përziejmë së bashku sheqerin, miellin, kakaon pluhur, pluhurin për pjekje, sodën e bukës dhe kripën. Shtojmë vezët, qumështin, ekstraktin e vaniljes. Përziejmë 2 minuta me mikser me shpejtësi mesatare. Së fundi i përziejmë në ujin e valuar. Përzierja bëhet e hollë. I vendosim në mënyrë të barabartë në dy tepsitë e përgatitura.
   Pjekim rreth 30 - 35 minuta në furrën tashmë të nxehur. Pas pjekjes e testojmë torten me kruarsen e dhëmbëve. e lëmë të ftohet rreth 10 minuta. E largojmë dhe e vendosim në një enë më të gjerë që të ftohet plotësisht. Pastaj e lyejmë njërën nga sipër me kremin e preferuar dhe vendosim pjesën tjetër të tortës sipër saj. E lyejmë tërë tortën me kremin e preferuar.

Ananas Conde

Për 4 - 5 persona                                                              
PËRGATITJA:

• 1 ananas ose konservë e kompostos prej ananasit
• 50 gr gjalpë
• 2 të verdha të vesë
• 200 gr oriz
• 150 gr sheqer
• 1 qese vanilje
• 3/4  l qumësht
• 1 gotë të vogël liker pemësh
• shumë pak kripë
• 100 gr rrush të tharë
• pak rum
• qershi të sheqerosura për zbukurim

   Në lëng të ananasit qitet pak rum dhe në të ngjuhen kokrrat e rrushit të tharë. Ananasi grimcohet disa copa më të mira lihen për zbukurim. Pastaj në ujë valë qitet orizi për të zier nja 5 minuta, kullohet mirë dhe sërish, pasi të jetë hedhur qumështi, lihet të ziejë ngadalë në zjarr dhe për gjysmë ore, në mënyrë që orizi të thithë tërë qumështin. Kur të fillojë të zihet - qitet sheqeri, vanilja dhe likeri.
   Orizi i zier hiqet nga zjarri, qitet gjalpi, të verdhat e vezëve, rrushi i tharë dhe ananasi. Tërë kjo masë përzihet mirë dhe qitet në kallëp e pastaj futet në frigorifer që të ngurtësohet. Para se të serviret, hiqet nga kallëpi dhe zbukurohet.

Reçel qershie

PËRGATITJA:                                      

• Qershi
• Limona ose limontozë
• Sheqer

Reçeli prej qershive mund të përgatitet njësoj si reçeli prej vishnjeve, por ashtu që në të shtohet një copë vanilje dhe kur të zihet pak, qiten dy limonë të prerë në rrathë. Ose: në një kilogram qershi tretet një kilogram sheqer, pastaj qershitë lëshohen në sheqer të tretur, shtohet cipa e vaniljes dhe dy limonë të prerë në rrathë. Po qe se mungojnë limonët, atëherë mund të qitet gjysmë luge limontoz.

Lakror

Koha e përgatitjes: 90 minuta            
Kompleksiteti: lehtë

Për 4 persona
PËRGATITJA;

• 1/2 kg petë të gatshme
• 1 kokë lakër turshi
• djathë
• 150 gr oriz i zier
• vaj
• kripë dhe piper i zi

   Lakrës ia heqim koçanin dhe e presim në copë të imëta. Në tiganin në zjarr hedhim vaj dhe në të e skuqim lakrën e prerë. Grijmë piper të zi, përziejmë me lugë dhe e skuqim derisa të zbutet lakra. tiganin e heqim nga zjarri dhe në të e shtojmë orizin e zier dhe të ftohur.
   Në tavën e rrumbullakët hedhim vaj dhe me furçë kuzhine e lyejmë tërë brendinë e tavës. Në tavë vëmë 3 petë, duke i lënë skajet jashtë tavës. Sipër petëvem vëmë nga përmbajtja me oriz dhe lakër. Në tavë vëmë tri petë të tjera të tutëlluara. Edhe sipër tyre vëmë nga përmbajtja. E përsërisim të njejtën gjë me të gjitha petët dhe përmbajtjen nga tigani. Renditja e pites duhet të përfundojë me petë. Skajet e tri petëve të para i kthejmë nga brendia e tavës. Petën e presim në tri copë.
   Në enë me 100 ml ujë shtojmë 150 ml vaj. Përziejmë me lugë dhe këtë përzierje e hedhim sipër pites në tavë. E shkundim tavën që uji dhe vaji të përhapen në të gjitha anët e pites. Tavën e vëmë në furrë. Pjekim 40 minuta, në temperaturë prej 200 gradë.
   Copët e lakrorit i nxjerrim nga tava dhe i vëmë në pjatën për servirje. Zbukurojmë me 8 speca të vegjël djegës. Sipër çdo cope lakrori vëmë nga një copë djath.
   Me këtë pjatë rekomandohet vera e thatë e bardhë cilësore e llojit të rrushit Rizling.me aromë frutash dhe freski karakteristike dhe me një finish të gjatë dhe të thatë. Serviret në temperaturë prej 10 deri në 12 gradë.
Ju bëftë mirë!!!

Sallatë verore

Koha e përgatitjes: 10 minuta       

Kompleksiteti: lehtë

PËRGATITJA:

Për 500 gr domate e kastraveca duhen:

• 200 gr speca
• 4-5 lugë gjelle vaj
• 2 lugë gjelle uthull
• 2 kokrra qepë
• 2-3 fije majdanoz
• kripë

   Në një pjatë vendosen kastraveca, domate të prera në formë rrethi dhe speca jeshilë të grirë në formë fijesh. Sallata spërkatet me vaj, uthull, kripë, përzihet lehtë dhe vendoset në pjatë. Sipër i hidhen qepë të grira hollë të përziera me majdanoz.

Sallatë me fasule të thata

Kompleksiteti: lehtë                              

PËRGATITJA:
Për 1 filxhan fasule duhen:

• 3-4 lugë vaj
• 2 lugë uthull
• 2 kokrra qepë mestare
• majdanoz
• kripë
• piper i kuq

   Fasulet e pastruara lahen dhe vihen të ziejnë. Pas 10 - 15 minutash vlimi u kullohet uji dhe shtohet ujë tjetër i vluar. Lihe të ziejë derisa kokrrat të zbuten plotësisht, por jo të treten. Në fund të zierjes shtohet kripë, lihen të ftohen në ujin e vet, kullohen dhe vendosen në pjatë, u hidhet qepë e grirë e hollë e përzier me majdanoz, vaj, kripë, uthull e piper të kuq.
 Ju bëftë mirë!!!

Pasta me ragu qengji

Koha e përgatitjes: 50 minuta            Kompleksiteti: lehtë


Për 4 persona
PËRGATITJA:

• 700 gr shpatull qengji
• 300 gr pasta
• 1 lugë salcë domatesh
• 1 kub supë e gatshme pule
• 2 thelpinj hudhër
• 1/2 lugë piper i bardhë i grirë
• 1 degë rozmarine e freskët
• vaj
• kripë dhe piper i zi

 Shpatullës së qengjit ja largojmë kockat dhe mishin e presim në copë më të mëdha. Hedhim mbi të kripë dhe piper të zi dhe përziejmë, për t'i mpirë erëzat. Në vajin e nxehtë në tenxhere i skuqim copët e mishit. Rozmarinën e presim në copë të imëta. I grijmë thelpinjtë e hudhrës. Pasi skuqet mishi, në tenxhere e shtojmë hudhrën e grirë dhe rozmarinën. Hedhim piper të bardhë të grirë.
  Në tenxheren tjetër në zjarr me ujë e vëmë kubin e supës së gatshme. salcën edomates e shtojmë në tenxheren me supë të gatshme. Salcëne domates e shtojmë në tenxheren me supë dhe përziejmë me tel. Në tenxherenh e tretë në zjarr me ujë të valuar hedhim kripë dhe i ziejmë pastat. Supën e derdhim në tenxheren me mish. E mbulojmë me kapak dhe e lëmë mishin të ziejë për 30 minuta.
 Në pjatën për servirje i vëmë pjatat. Me garuzhdë sipër vëmë ragu qengji. Zbukurojmë me degë rozmarine.
Me këtë pjatë rekomadohet vera e thatë e kuqe cilësore e llojit Vranç, me ngjyrë të rubinit të errët dhe të kuq dhe me aromë të kumbullave të thata, manaferrave dhe rrushit të thatë. Serviret në temperaturë 16 deri në 18 gradë.
 Ju bëftë mirë!!!

Sallatë kalifornie

Koha e përgatitjes: 30 minuta   Kompleksiteti: mesatare


Për 4 persona

PËRGATITJA:

• 250 gr gjoks pule
• 50 gr bajame
• 200 ml shtalpë
• 1 lugë majonezë
• 2 patate të ziera
• 1/2 lugë kafeje borzilok
• 1/2 lugë kafeje piper i bardhë i grirë
• 1/2 lugë rigon
• 1 lugë rrikë e grirë
• 1 lugë keçap
• 1 lugë mustardë
• 1 lugë uthull
• 1 limon
• 1 mollë
• kripë dhe piper i zi

  Bajamet i presim në copë dhe i pjekim në tiganin në zjarr. gjokset e pulës i presim në shnicla, hedhim mbi to kripë dhe i skuqim në tigan. Në anën e rrallë të rendes në një enë të thellë i grijmë patatet. E qërojmë mollën dhe ia largojmë farat. Në anën e shpeshtë të rendes, në enën me patate i grijmë copët e mollës. E shtrydhim limonin dhe lëngun e hedhim në enën me patate dhe me mollë. I shtojmë copët e bajameve. pastaj, mishin e presim në kube dhe e shtojmë shtalpën, rigonin, piperin e bardhë të grirë, mustardën, rrikën e grirë dhe keçapin. Në enën me majonezë e shtojmë një lugë uthull dhe lëngun e limonit të mbetur. Edhe këtë masë e shtojmë në enën e thellë. E shtojmë borzilokun dhe përziejmë me lugë.
  Pjatë për servirje e zbukurojmë me gjethe sallate jeshile. Në pjatë e vëmë sallatën e kalifornisë. Karotën e presim në fije shumë të holla, të cilat i vëmë në mes të sallatës. Edhe lëvozhgën e limonit e presim në shirita të holla. Pastaj limonin e presim në rrathë të hollë. Rrathët e limonit i vëmë sipër sallatës jeshile. Me disa kokrra ullinjsh e përfundojmë zbukurimin.
 Me kiëtë pjatë rekomandohet vera e thatë e bardhë cilësore e llojit Traminer. Ju bëftë mirë.

Spageti me midhje

Koha e përgatitjes: 40 minuta         Kompleksiteti: lehtë


PËRGATITJA:

• 1/2 kg spageti
• 1/2 kg midhje
• 1 kokë qepë
• 3 thelpinj hudhër
• 1/2 lugë borzilok
• 1/2 lugë rigon
• 1 lugë erëza të përziera
• 100 ml lëng domatesh
• 200 ml verë e bardhë
• vaj
• kripë dhe piper i zi

 E grijmë qepën dhye e skuqim në tiganin me vaj. Pasi zbutet qepa, në tigan e shtojmë hudhrën e grirë dhe midhjet. Hedhim kripë, piper të zi, një lugë erëza të përziera, rigon dhe borzilok. Në tigan e hedhim verën e bardhë dhe lëngun e domates. Disa gjethe spinaqi i presim në copë të imëta dhe i shtojmë në tigan. pasi avullon lëngu, tiganin e heqim nga zjarri.
 Në tenxheren me ujë të valuar dhe kripë i ziejmë spagetit. Spagetit e ziera i derdhim në kullojsë dhe i shpëlajmë me ujë të ftohtë.
 Në pjatë të thellë i vëmë spagetit e kulluara. Sipër spagetave e vëmë përmbajtjen me midhje nga tigani. Zbukurojmë me 3 gjethe lakre jeshile dhe 3 sheri domate.
 Me këtë pjatë rekomandohet vera e thatë e bardhë cilësore e llojit të rrushit Muscat Frontignan, me nuanca të gjelbra e të verdha. Është e pasur me aromat e luleve të muskatit, trëndafilit dhe mandarinave. Ka një shije mirë të balancuar dhe diskrete e cila qëndron për një kohë të gjatë. Serviret në temperaturë prej 10 deri në 12 gradë.

Ju bëftë mirë!!!

Tortë prej dredhëzave

Për 4 - 5 persona duhen:        

• 3 vezë
• 5 lugë sheqer
• 10 lugë miell
• pak tharm
• 150 gr arra të bluara

   Rrihen veçmas 3 të bardhat e vezëve dhe 3 të verdhat, e kur dyjat janë gati, përzihen me sheqer, miell, pak tharm dhe arra të bluara.
   Ky brumë piqet në tepsi të lyer me yndyrë, e kur të ftohet, në anën e sipërme hidhet krem i rrahur dhe rendohen dredhëzat e freskëta e të pastruara mirë.

Patate të ziera me gjalpë

Për 4 - 5 persona duhen:                    

• patate 1.5 kg
• gjalpë 2 lugë gjelle
• kripë 
• erëza

  Patatet, posaçrisht e rejat, qërohen, shpërlahen, priten në copa të mëdha në madhësi të njejtë dhe hidhen në tenxhere me ujë të vluar me kripë. Sasia e ujit duhet të jetë aq sa ato të mbulohen. Zierja bëhet në zjarr të ngadaltë për 25-30 minuta.
  Kur patatet të jenë zbutur, u derdhet uji, ndërsa ena, përsëri e mbuluar me kapak, mbahet mbi zjarr edhe 5 - 6 minuta, në mënyrë që patatet të thahen pak dhe të zbuten në brendësi pa u thërmuar.
   Patatet e nxehta vendosen në pjatë dhe sipër u hidhet gjalpë e shkrirë e majdanoz. Patatet e ziera mund të jepen të veçanta ose si garniturë për gjellët me mish, peshk etj. Këto lloj patatesh mund të bëhen me qepë e domate të skuqura të cilat hidhen përsipër, në këtë rast mund të përdoret edhe vaj.

Kifle

Për 4 - 5 persona duhen:  

• 300 gr karrota
• 350 gr yndyrë
• 600 gr miell
• pekmez

   Grihen në rende karotat(në dhëmbët më të imët) dhe gatuhen bashkë me yndyrë dhe miell. Prej këtij brumi tëhollohet peta e trashë sa gishti, pritet në copa trekëndëshe, mbushen me pekmez, mbështillen dhe piqen.

   Ëmbëlsirat e pjekura përmiellen me sheqer pluhur.

Tortë karamele

Për 4 - 5 persona duhen:      

• 8 vezë
• 250 gr sheqer
• 100 gr arra të bluara
• 3 lugë trosha të bukës
• 5 lugë miell

Për krem

• 350 gr sheqer
• 1/2 litër qumësht
• 1 copë vanilje
• 6 lugë miell
• pak qumësht të ftohtë
• 250 gr gjalpë

   Rrihen mirë të verdhat e vezëve dhe sheqeri, në të shtohen arra të bluara, troshat e bukës, mielli dhe në fund shkuma e fortë prej të bardhave të vezëve. Masa piqet në kallëpin e lyer me yndyrë dhe miell. Torta e ftohur pritet përgjysmë dhe mbushet me krem. Kremi: sheqeri digjet mirë derisa të marrë ngjyrën e arit.
   Në enë të posaçme vlohet gjysëm litri qumësht bashkë me një copë vanilje dhe lihet të ftohet. Masa e hollë përgatitet prej 6 lugë miell, përzihet dhe tundet me pak qumësht të ftohtë, pastaj kjo zbrazet në qumësht të ftohur dhe në fund shtohet sheqeri i djegur.
  Kremi zihet derisa të mos trashet. Kur kremi ftohet në të vendoset gjalpi i rrahur, e me këtë mbushet torta dhe lyhet nga jashtë.

FACEBOOK: https://www.facebook.com/pages/K%C3%ABnaq%C3%ABsia-e-Gatimit/362409420501190?fref=ts

Ëmbëlsirë me qershi

Për 4 - 5 persona duhen:                            

Për brumin

• 3 filxhana kafeje miell
• 1 filxhan kafeje vaj ose 1 lugë gjalpë
• 1 kokërr ve
• 1 filxhan kafeje kos
• 1 filxhan çaji qershi

 Për kremin sipër duhen:

• 1 gotë uji qumësht
• 2 filxhana kafeje sheqer
• 1 lugë gjelle niseshte
• vanilje

   Hidhen në enë të thellë vezët dhe sheqeri, rrihen mirë, u shtohet kos, vaj ose gjalpë sipas dëshirës ( në rast se hidhet gjalpë, ai duhet të rrihet me vezët e sheqerin). Masa përzihet mirë, pastaj i shtohet vanilje ose lëvore limoni.
   Në këtë masë hidhet miell i situr i përzier me pak sodë(duhet pasur kujdes sa do të hidhet sodë, sepse sasia e tepërt e prish shijen), zihet brumi bukur i trashë, vendoset në tavë të lyer me yndyrë, përmillet me pak miell dhe rrafshohet me dorë.
   Mbi brumë hidhet një shtresë qershish, të cilave u hiqen bërthamat, ca sheqer dhe mbulohen me një shtresë të hollë kremi, të përgatitur me qumësht e niseshte.
   Për përgatitjen e kremit veprohet kështu: Në tenxhere vlohet qumështi me sheqer, veçmas hollohet niseshtja me pak ujë të ftohtë dhe kur qumështi të ketë marrë valë, hidhet në të, duke e përzier shpejtë që të mos krijohen dromca. Hiqet nga zjarri dhe i hidhet pak vanilje.
 Ju bëftë mirë!!!

Akullore

Për 4 - 5 persona duhen:          

• 1 litër qumësht
• 6 vezë
• 300 gr sheqer
• 1 copë vanilje 
• 1 copë gjalpë

  Rrihen mirë 300 gr sheqer bashkë me 6 vezë, në shporet vëmë 1 litër qumësht të vlojë, në qumështin që vlon ngadalë vendosen vezët e rrahura, por ena duhet të mbahest anash dhe të përzieht vazhdimisht.
  Pastaj në të shtohet një copë vanilje, përzihet vazhdimisht derisa kremi të mos trashet. Hiqet nga zjarri, vendoset një copë gjalpë ose margarinë, përzihet derisa masa të mos ftohet dhe futet në frigorifer.
  Akullorja mund të serviret me dredhëza, mjedra, qershi, vishnje, kajsi, pjeshka etj.

Marmelatë prej dredhëzave

 Dredhëzat e pjekura, të shëndosha e të mëdhat lahen mirë, u hiqen bishtat dhe pastaj rendohen dredhëzat e sheqeri në tenxhere. Për një kilogram dredhëza nevojitet një kilogram sheqer. Lihen të qëndrojnë ashtu tërë natën e të nesërmen ziejnë afro gjysmë ore.

Komposto me mollë

Koha e përgatitjes: 40 minuta              
Kompleksiteti: lehtë

Për 4-5 persona

PËRGATITJA:

• 500 gr molla
• 1 gotë uji sheqer,
• 1 filxhan kafeje verë
• lëndë aromatike
• 1 litër ujë
• një maje luge kafeje limontoz

  Mollët, pasi të lahen mirë qërohen ose lihen të paqëruara, priten përgjysmë, u hiqen farëzat dhe çdo gjysmë pritet në feta portokalli. Gjatë pastrimit mollët që të mos nxihen, hidhen në enë me ujë të ftohtë me limontoz. Lëkurat dhe farëzat bashkë me zemrën hidhen në tenxhere me ujë të vluar dhe zihen 10 - 15 minuta. Pastaj lëngu kullohet, i hidhet sheqer, vihet në zjarr dhe lihet derisa të marrë valë, pastaj hidhen mollët e përgatitura.
  Lihen të ziejnë 10 - 15 minuta, sipas llojit të mollëve: në qoftë se janë të llojit që zbuten shpejtë, atëherë ato hiqen nga zjarri menjëherë sa të marrin valë. Për aromë, kompostos mund t'i shtohet pak kanellë ose karafil. Ndërsa për të përmirësuar shijen, kur kompostoja të jetë ftohur, i hidhet verë e kuqe e ëmbël.

Frikase pule

Koha e përgatitjes: 40 minuta              
Kompleksiteti: lehtë

Për 4 persona

PËRGATITJA:

• 500 gr gjoks pule
• 200 gr bizele e konzervuar
• 4 karrota
• majdanoz
• 2 kokë qepë
• 1.5 lugë niseshte
• 150 ml shtalp
• 1 kub supë e gatshme pule
• 4 patate
• 1 vezë
• bukë e grirë
• vaj
• kripë dhe piper i zi

  Në tenxhere me ujë në zjarr hedhim vaj dhe kubin me supë të gatshme. Karrotat dhe mishin e pulës i presim në copë të holla e të gjata. Qepët i presim në copë të mëdha. Në vajin e nxehtë në tigan e skuqim qepën. Pasi zbutet qepa në tigan i shtojmë copat e karrotave. I shtojmë copët e mishit të pulës.. Pastaj shtojmë bizelen. Hedhim kripë dhe piper të zi. Me garuzhdë në tigan hedhim nga supa. E shtojmë majdanozin e grirë.
  Në anën e shpeshtë të rendes në enë të thellë i grijmë patatet e ziera. Në enë thyejmë një vezë, hedhim kripë dhe piper të zi. Masën e ngjeshim me dorë. Në enë hedhim bukë të grirë. Me dorë marrim nga masa dhe krijojmë topëza me madhësi të arrës. Topëzat i skuqim në vajin e nxehtë në tigan.
  Me lugë marrim nga frikaseja e pulës dhe e vëmë në pjatën për servirje. Me lugë sitë nxjerrim topëzat me patate nga tava dhe i vëmë përreth frikasesë.
 Me këtë pjatë rekomandohet vera e thatë e bardhë cilësore e llojit të rrushit Muscat Frontignan, me nuanca të gjelbra e të verdha. Është e pasur me aromat e luleve të muskatit, trëndafilit dhe mandarinave. Ka një shije mirë të balancuar dhe diskrete e cila qëndron për një kohë të gjatë. Serviret në temperaturë prej 10 deri në 12 gradë.

Ju bëftë mirë!!!

Tullumba

Koha e përgatitjes: 20 minuta      
Kompleksiteti: lehtë

Për 4-5 persona

PËRGATITJA:

• 1 filxhan çaji qumësht
• 1 filxhan çaji ujë
• 300 gr miell,
• 1 limon
• 7 vezë

Për sherbet

• 750 gr sheqer
• 50 gr ujë
• vanilje

 Në një enë qiten uji dhe qumështi. Vlohen dhe në të pastaj shtojmë ngadalë miellin. Largohen nga zjarri, përzihet mirë dhe vendoset lëvorja e limonit. Kur kjo masë ftohet, një nga një rrahen 7 të verdhat e vezëve, pastaj shtohet shkuma e rrahur prej 7 të bardhave të vezëve dhe përzihet brumi. Tullumbat vendosen në vaj të nxehtë me anë të kallëpit që të fërgohen.
 Pastaj secila tullumbë ngjyhet në sherbet dhe rendohet njëra pranë tjetrës në tepsi. Sherbeti lihet të vlojë 10 minuta. Në sherbet qitet vanilje.

Omëletë me shpageti

Koha e përgatitjes: 30 minuta        
Kompleksiteti: mesatare

Për 4 persona

PËRGATITJA:

•  200 gr shpageti
• 150 gr sallam
• 4 domate
• 4 vezë
• 1 dorëz qepë të njoma
• 50 gr gjalpë
• majdanoz
• 50 gr parmezan
• vaj
• kripë dhe piper i zi

 Në ujin e valuar në tenxhere në zjarr hedhim kripë dhe i shtojmë spagetit. I qërojmë domatete dhe i shtypim për t'ua kulluar lëngun. Pastaj i presim në copë të imëta.
 Në enën e madhe e të thellë i thyejmë vezët. Shtojmë pak ujë, hedhim kripë dhe i rrahim me tel kuzhine. Në enën me të verdhat e rrahura i shtojmë domatet e prera. Sallamin e presim në kube dhe e shtojmë në enë. I grijmë qepët e njoma dhe i shtojmë në enë. E shtojmë majdanozin e grirë. Përziejmë me tel derisa të bashkohet masa.
 Tenxheren me spagetit e ziera e heqim nga zjarri. I derdhim spagetit në kullojsë dhe i lëmë të kullohen. Në tiganin në zjarr hedhim gjalpë dhe spagetit e kulluara. Pastaj në tigan e shtojmë masën me vezë, sallam dhe domate. E mbyllim tavën me kapak dhe pjekim në zjarr të dobët 4-5 minuta.
 Omëletën e vëmë në pjatën për servirje. Në skajet e pjatës, nën omëletë vëmë gjethe sallate jeshile. Sipër omëletës hedhim qepë të njomë të prerë në copë dhe parmezan.
 Me këtë pjatë rekomandohet vera e thatë e bardhë cilësore e llojit të rrushit Rizling.me aromë frutash dhe freski karakteristike dhe me një finish të gjatë dhe të thatë. Serviret në temperaturë prej 10 deri në 12 gradë.

Ju bëftë mirë!

Supë kineze me mish pule

Koha e përgatitjes: 60 minuta              
Kompleksiteti: lehtë

PËRGATITJA:

• 4 kofsha pule
• 2 dorëza presh
• 2 thelpinj hudhër
• 1 karotë
• 150 gr pasta
• 1/2 lugë kafeje rigon
• 1 lugë kafeje xhenxhefil
• 1 kub supë e gatshme pule
• 1 lugë soja sos
• majdanoz
• 1/2 lugë kafeje piper i kuq djegës
• vaj
• kripë dhe piper i zi

 Në tenxhere me ujë të valuar në zjarr i ziejmë kofshat e pulës. Kofshat e ziera i nxjerrim nga tenxherja, duke e lënë tenxheren në zjarr. Shtojmë rreth 500 ml ujë dhe kubin e supës së gatshme. Kofshave ua largojmë lëkurën dhe kockat.
 Në vok tavën në zjarr hedhim vaj. Në vajin e nxehtë e skuqim preshin e prerë në rrathë të hollë të pjerrët. Shtojmë gjysmë luge kafeje, piper të kuq djegës, hudhrën e grirë, rigonin  dhe xhenxhefilin. Pastaj, me garuzhdë në tavë e shtojmë supën e pulës. I shtojmë karotat e prera në copë të hollë e të pjerrët dhe pastat e ziera. Në tavë hedhim 500 ml ujë. E mbulojmë tavën me kapak dhe ziejmë në zjarr të dobët 3-4 minuta. Në tavë e shtojmë mishin e pulës dhe soja sosin.
 Me garuzhdë, supën kineze me mish pule e vëmë në pjatë të thellë. Zbukurojmë me një degë majdanozi në mes të supës.
 Me këtë pjatë rekomandohet vera e thatë e bardhë cilësore e llojit të rrushit Rizling.me aromë frutash dhe freski karakteristike dhe me një finish të gjatë dhe të thatë.Serviret në temperaturë prej 10 deri në 12 gradë.

Ju bëftë mirë!